PR No.22/2024-2025.
Lawngtlai July 8, 2024: Vawin chawhma dar: 10:30 PM hian, 11th Lai Autonomous District Council Emergency Session ni nga(5) awh tur chu neih tan a ni.
11th Lai Autonomous District Council Session hi Pu VL. Hmuaka, Chairman, LADC chuan kaihruaiin Pu VL. Hminga, Ex MDC, Dt. 22.11.2023 a boral chu, sunna hun neih a ni.
Pu VL. Hmuaka, Chairman chuan, Pu VL. Hminga chanchin ziak a chhiara chumi hnu sawi duh neite tan hun hawn a ni.
Pu C. Lalmuanthanga, Chief Executive Member (CEM) chuan, "Pu VL. Hminga,(84) Ex-MDC sunna hun kan hmang ta mai hi pawi ka ti hle a ka ui tak zet a ni, Pu VL.Hminga te chhungkua hi mipui tling tak leh chhungkaw entawn tlak tak an ni a, Sorkar hna athawh lai pawha mi hming tha leh fak hlawh tak a ni thin, kum 2011 ah Deputy Commissioner, Lawngtlai hna chelhin a lo awm tawh a, kan ram leh hnam tan hian thahnem a ngai thin em em a, a pension hnuin kum 2002 khan Paithar MDC Constituency atangin MDC atan thlan tlin a ni a, Executive Member niin Revenue Department-a enkawl a ni. Vawiin a ram leh hnam tana hma-thlir thui tak nei leh ram leh hnam vei em em sunna hun kan nei ta mai hi pawi ka ti tak zeta, a chhungte Lalpa'n awmpuiin thlamuan se, tiin duhsakna ka hlan a ni", a ti a, he mi hnu hian member dangte pawh in thu an sawia, a mah sunna minute khat chhung ngawi rengin an ding a ni.
Pu VL. Hmuaka, Chairman chuan, Pu C. Lalmuanthanga, CEM LADC chu, Official Business leh Bill a neihte introduce turin a sawm a, hengte hi a pharh a ni.
1. Presentation of the Lai Autonomous District Council Budget :-
The Lai Autonomous District Council Budget for 2024 - 2025:
- Budget of Lai Autonomous District Council for 2024 - 2025
- Supplementary Demand for Grants of Lai Autonomous District Council for 2023 2024
- Schedule of Demand for Grants of Lai Autonomous District Council for 2024-2025
2. Introduction of Official Bill :-
- The Lai Autonomous District Council (Constitution, Conduct of Business, etc) (Fifth Amendment) Bill, 2024.
He mi hnu hian, Pu VL. Hmuaka, Chairman chuan hemi ni atan a Business-te tih zawh ani avangin, ni 9.7.2024 dar 10:30am atan leh turin Session ati tawp lailawk a ni.
Written Published by; I & PR Department LADC Lawngtlai
