ASSOCIATION FOR LAI LANGUAGE PROMOTION LEH CHIEF EXECUTIVE MEMBER-TEN INKAWMNA AN NEI.
February Ni 4, 2021 (Ningani) :- Laifate inpumkhat lehzualna tur leh hnam ziarang leh culture chawisang lehzualna tura din, hmalatu pawl lian tak, Association for Lai Language (ALL) promotion committee chuan vawiin khan Chief Executive Member Pu Manghmung Chinzah chu a office chamber-ah an hmu.
ALL te hian Chief Executive Member hnenah hian an Pawl-ina theihtawpa Hnam ziarang leh tawng humhalhna tura hma an lo lak ve tawh thinna te an thlen a, Laica Class te huaihawtin, Lai tawng Dictionarty te pawh alo buatsaiha, pawl ina a hmalak theihchinah hma an lak laiiin CoViD19 avanga hmalak a harsat tawh thu an thlen bawk ani. ALL chuan an rilru ah Laifa te population ala tlem lutuk chu an vei thu an sawi a, Sorkar office kalphunga Lai tawng hmang uar turte, kan rama rohlu hmun pawimawh kan neihte Lai tawng ngeia koh leh hman uar lehzual nise tihte, Laica zirtirtu tur atan pawha Laica thiam tak ngei lak ni se, District Council rorelna in lianbera Lai Holh ngeia Session neih thin anih theihnana hma laksak turin an ngen ani.
Chief Executive Member chuan ACL te rawtna thlen leh ngenna thu te chu a vei zawng tak leh amah pawhin alo ngaihtuah ve reng thin ani tiin, zawi zawia kan kalchhoh lova chet kan lak rup rup nghal chuan kan tawng hmang ve lo mipuite tan harsatna kan thlen palh te pawh awm thei niin, kan Hnam ziarang leh Tawng chu kan ngaihhlut tur hmasa ani ati a, Laifate te vek ni mah ila, kan pian leh murna leh thanlenna a zirin mahni Hnam tawngah ngei mi tamtakin harsatna kan tawk ani tiin, hemi kawnga kan Hnam ziarang leh Tawngin hma asawn zelna turin Association for Lai Language te chu tan la zual sauh sauh turin leh LADC Sorkar pawhin hemi kawngah tanpui leh hmalakpui a hrehlo ani tiin tangrual tlat turin ALL hotute chu a sawm ani.
Written & published by
Collins Ngurnunchhunga, AI&PRO, LADC
