AUTONOMOUS DISTRICT COUNCIL PATHUM JOINT MEETING NEIH ANI
Lawngtlai, August ni 13, 2020 Ningani:- Vawiin khan Mizoram chhung Sixth Schedule area-a Autonomous District Council pathum ten joint meeting an nei.
Tunhnaia Mizoram Sorkar in August ni 13, 2020-a a tihchhuah Warrant of Precedence-ah mipui thlantlin roreltute (elected representatives of the people) leh District Council hotute dinhmun a rawn tih danglam chungchang ah vawiin khan Lai Autonomous District Council Chief Executive Member's Conference Hall Lawngtlai-ah Lai, Mara, Chakma Autonomous District Council hotuten a huhova thutkhawmna an nei.
Mizoram Sorkar GAD thuchhuah chungchang sawi hovin siamtha tura state sorkar hnena thlen turin leh democracy ramah mipui ten duh taka an thlantlin te chu ram hruaitute an nihna ang taka an dinhmun zahsak leh enchiang turin rel ani a, hei bakah hian joint meeting chuan Mizoram chhunga Autonomous District Council te dinhmun chawikanna tur leh hmasawnna tur atana thawhho dan tur kawng hrang hrang an rel bawk ani.
He hun hi Pu T. Zakunga, Chief Executive Member, LADC chuan kaihhruaiin, Pu N. Zakhai, Chief Executive Member MADC, Pu V. Zirsanga, Chairman LADC, Pu. H. Amaresh Chakma Chairman CADC, Pu H. Sahlo Chairman MADC te, ADC pathum atanga Executive Members, MDCs engemawzat, Political Party leh tlawmngai pawl hrang hrang hruaitute an tel bawk ani.
Nimin August ni 12, 2020 khan hemi chungchang ngaihtuah hian Autonomous District Council pathum ten a hrang theuhva sawi hovin an lo rel rel tawh bawk ani.
Written by Collins Ngurnunchhunga
AIPRO
Photos - Lalchawiliana Chenhrang
