INFORMATION & PUBLIC RELATIONS DEPARTMENT

Lai Autonomous District Council,Lawngtlai

PR.NO. 67/2021-2022

CBC,USA HRUAITU TEN PU V ZIRSANGA, CEM HNENAH LAWMTHU AN SAWI.

                Lawngtlai,3^rd December,2021: Vawiin khan Chin Baptist Churches of USA hruaitute chuan LADC CEM, Pu V. Zirsanga chu a office-ah lengin, LADC Sorkar leh tlawmngai pawl hrang hrang leh Lairam mipuiten Burma ram Politics buai avang a raltlante an lo dawnsawn dan leh an lo enkawl danah rilru leh thinlung takin lawmthu an sawi.

                Pu V. Zirsanga chuan Politics buaina nasa tak avanga Burma ram atanga Lairam chhunga rawn raltlante theih ang anga Lairam mipuiten an lo dawnsawn thu CBC-USA hruaitute hrilhin, LADC Sorkar pawhin a theih leh remchang ang angin kan unau raltlante chhawmdawlna enkawlna kawngah hmalak zel a nih tur thu a sawi a, Burma ram politics buaina hian eng chen nge a awh dawn sawilawk theih anih loh avangin raltlante chhawmdawl leh enkawl zuina kawngah fimkhur leh awmze nei zawka kalpui erawh a tul thu a tarlang bawk.

CBC-USA hruaitute chuan Lawngtlai khawpui chu Laifate Jerusalem nia an ngaih thu sawiin; LADC Sorkar chu Laifate innghahna bulpui ber a nih ang ngeia, nu leh pa chan chang a, LADC hotuten Burma raltlan te hmangaih leh lainat taka an lo dawngsawnga an lo enkawl chu theihnghilh theih ani lovang an ti.

                CBC-USA hruaitute hi Rev Thlahawrh Bawihrin, General Secretary-in a ho hlawm a, Pu V. Zirsanga hi Pu L. Danial-a EM, Pu C. Hrangthianga EM, Pu CL. Lianzuala Dy. Chairman leh Pu LZ. Tluanga, Jt. Secretary  ten an tawiawm a ni.

Written By :

AI&PRO,LADC.   3.12.2021 @ 4:00PM.