June ni 15, 2020 Thawhtanni): Chief Executive Member's (LADC) Relief Fund for COVID-19 atanga lei, thingtlang lama ei leh bara harsatna kan tawh lohna tura lei buhfai chu sem chhunzawm zel ani a, heng buhfai tehi a viltu officers leh khawtlang hruaitute endikna hnuaiah diktak leh felfai takin a thlawnin sem chhunzawm zel ani.
Tun tumah hian Vathuampui cluster tan buhfai kg 50 bag 152 load niin a viltu tur hi Pu S. Lalrinsiama, Addl. DPC (Samaghra/SSA) ani a, Hmawngbuchhuah tan kg 50 bag 109 chhuahpui tur niin Pu Lalduhzuala, Asst. Sports Promotion Officer-in a vil dawn ani. Buhfai load hna hi LADC Staff Association member ten volunteer hna thawkin man nei lovin an load ani.
CEM Relief Fund for COVID-19 atangin heta tang hian tun dinhmun ah buhfai bag 790 thawnchhuah tawh ani a, buhfai thawnchhuah tur tehi a hmunah Pu H. Lalramenga Executive Secretary, Pu Thathluna Chinzah, SYO Nodal Officer for DM&R leh Pu J. Zahlira Local Administrative Officer ten uluk takin an enpui ani. CEM Relief buhfai hi Bungtlang South Tuithumhnar leh Vaseikai cluster khaw hrang hranga chhungkaw tamtak hnenah athlawna semchhuah tawh ani.
CEM Relief Fund for COVID-19 hi LADC Chief Executive Member Pu T. Zakunga kaihhruaina hnuaiah mipuiten ei leh bara harsatna kan tawh lohnana din niin hemi atan hian committee felfai taka din ani a, tanpuina leh thildang sem kawngah uluk taka ruahmanna siam thin ani.
Written by
Collins Ngurnunchhunga
AIPRO
