CEM COVID19 RELIEF FUND UPDATE LEH LAWMTHU SAWINA

Thawhtanni , June ni 22, 2020: Hripui leng laka kan himna tur leh chhuanchham kan awmlohnana NGO leh pawl hrang hrang, Village Council hruaitute, Kohhran, mimal tlawmngaite leh Sorkar hnathawkten phal taka an chhunluh CEM Relief Fund for COVID-19 atangin buhfai athlawna semchhuah chu zawhfel ani ta a, LADC Sorkar leh CEM Relief Fund for COVID-19 Committee chuan buhfai sem tura officers inpe, fur khawchhe hnuaia tlawmngai taka kalchhuak te hnenah lawmthu a sawi takzet ani.

s

Relief buhfai sem leh buaipui hna hi atir atangin Pu Thathluna Chinzah SYO (Nodal Officer for DM&R) leh Pu J. Zahlira, Local Adminisstration Officer ten vilin, an kaihhruaina leh ruahmanna hnuaiah felfai t aka sem ani a, Committee-in an senso atana sum a ruahmansak pawh mipui sum ani tih hre rengin renchem taka an hman bakah Cheng 60825/- (Singruk zariat sawmhih panga) hmang bangin relief committee Chairman Pu H. Lalramenga, Executive Secretary kutah an hlan let ani. Relief Fund for COVD-19 Member Secretary Pu B. Lalhmingmuana (Dy. Secretary, Finance Department) chuan hetianga return tur a awm thei hi an inpekna leh inrenchem vang liau liau ani a, an zarah hlawhtling taka buhfai semtheih ani chu lawmthu atih thu a sawi bawk ani.

Vawiin vek khan Lawngtlai Bar Association chuan CEM Relief Fund for COVId-19 ah Cheng 5,000/- (Sangnga) an hlan ve leh bawk ani. Chief Executive Member Pu T Zakunga chuan kan hmalamah enge rawn thleng dawn hriat a ni lova, chutih laia mi inphalten tanpuina hlan tura ke an penchhuak thin chu lawmawm atih thu a sawi.

Written by Collins Ngurnunchhunga
AIPRO