INFORMATION PUBLIC RELATIONS DEPARTMENT

Lai Autonomous District Council Lawngtlai

 

PR No.96/2021- 2022.

 CEM IN ANM SCHOOL LAWNGTLAI CAPPING  & LAMP LIGHTING HUN A HMANPUI.

 

Lawngtlai, 3rd February,2022: Vawiin khan Pu V.Zirsanga,Chief Executive Member,LADC chuan, Auxiliary Nursing Midwifery (ANM) School,Lawngtlai ten Capping & Lamp lighting 2022 hun,LADC hall a an hman chu,  khuallian niin a hmanpui. Pu Lalramenga,Executive Secretary,LADC chu khualzahawm a ni bawk.

          Khuallian chuan Covid -19 avanga khawvelin hun harsa tak mai a tawn lai a, Damdawi lama thawktute thawhrimna,inpekna leh an huaisena chu ropui a ti a, covid dona kawnga an hnathawh  ropui tak avangin lawmthu a hrilh a ni. Midangte tana an inpekna leh thawhrimna avangin mitam takin damna an chang a, he hun khirh tak kara doctor, nurse leh healthcare worker zawng zawngte inpekna hi khawvelin a theihnghil tawh dawn lo a ni tih a sawi bawk.

          CEM chuan,Lamp Lighting chuan midangte,a biktakin damlote tan beiseina (Hope) siam sak tu tur an ni tih a entira, midangte tana kang ral tur leh midangte tan a Luangchhuak a,Rilru, Thinlung leh Taksa damna thlentu tur an nih zia in hre reng turin Zirlaite chu a fuih bawk a ni.

          CEM hi Pu Daniala, Executive Member leh Pu Lalropuia Chinzah, Executive Member ten an tawiawm a ni.

ANM School,Lawngtlai hian a dintirh atangin zirlai examnaah fail an la nei  lova; Exam apiangin Top Ten zinga Tel phak zirlai ti tha an la nei zel bawk a ni. 

 

          Written & Published by; I&PRO, LADC Lawngtlai