Release Date: 2017-12-27 18:30:00

CENTRAL YLA BUATSAIH ZIRLAITE INFUIHTHARNA HUN "CAWNGLIO FORHHAIHNAK" CEM PU T. ZAKUNGA'N A HMANPUI. Central Young Lai Association-in CYLA Hall Lawngtlai hmuna a buatsaih Zirlaite Infuihtharna (Cawnglio Forhhaihnak) chu Lai Autonomous District Council Chief Executive Member Pu T. Zakunga'n a hmanpui. He hun hmanpuitu LADC CEM Pu T. Zakunga chuan Zirlai kalkhawmte chu quality education nei tura tan la turin a fuih a, graduate mai duhtawk lovin chhawr tlak leh hmantlaka zirchhuak ngei turin a chah a, tunlai khawvel thangchho zelah thiam leh hre tak tak tan lo chuan chance a har tawh ani, ati. LADC Sorkar hmalakna in Delhi hmuna Lai Students' Hostel te pawh nakum lamah chuan tun aia tha leh changtlung zawka thuamthat tum anih thu sawiin, he hostel ah hian Laifa zirlai tamzawkte awm turin leh Central service ahte Laifa te kan luh theihnan ngawr lehzuala an zirlaia tan la turin a chah a, Aizawla Lai Students' Hostel thar pawh mumal taka kalpui niin Shillong hmunah Lai Students' Hostel hawn anih theihnan LADC Sorkar chuan hma a la mek ani, ati. Laifate chu minority kan ni a, kan ram leh Hnam bopil zel tur chhanchhuah nan tun aia uar lehzualin zirlaiten kan tawng leh kan culture te kan hlut thiama, Lai hnam kan nihna hi zahpui ngailo turin leh chawisang tlat turin zirlai kalkhawmte a chah ani. He hun hi Pu _, Minister of State leh Pu _, MLA te pawhin hmanpuiin Minister chuan District Council chu Lai hnam kan nihna avang liau liauva nei kan ni a, chuvangin eng Kohhran ah pawh lawiin, khawi hmunah pawh awm mah ila, Laifa kan nihna a bo lova, mahni Hnam zahpui ngailo turin leh chhuang tlat turin kalkhawmte a chah a, chutih rualin rinawmna, taihmakna leh tumruhna tello chuan hlawhtlinna a awm theilo ani ati bawk. Pu _, MLA pawhin RMSA sponsor na hnuaia zirlaite hmakhua ngai leh zirna lama chak zawka ke pen anih theihnana Central YLA ten infuihtharna hun tha tak mai an buatsaih thei hi tha a tiin lawmawm ati a, he hun hi zirlai kalkhawmten an hlawkpui ngei a beisei thu a sawi a, Pathian tih chung leh Kohhran bel tlat chungin zirlaite chu hmalam pan turin a chah bawk. He hunah hian Pu Laltanpuia Hnialum, Dy. DPC (RMSA), Pu J. Sangthangpuia, President CYLA leh Pu C. Lalchhuanliana, President LSA Gen. Hqrs. te hnen atangin zirlaite fuihna thu tak takte ngaihthlak niin, zai rimawi te ngaihthlak ani. He infuihtharna hunah hian Rev. Dr. LH. Lalpekhlu'an hunserh hmangin, inkhawm hi Pu JH. Lalrindika, Secretary, CYLA in a kaihhruai ani.