Release Date: 2018-04-26 18:30:00

CEM-IN OFFICERS' ASSOCIATION GENERAL BODY MEETING A HMANPUI Lai Autonomous District Council Officers' Association (LADCOA) te chuan vawiin date 27th April, 2018 (Zirtawpni) Chhun dar 12:30 PM khan General Body Meeting neiin LADC Conference Hall ah hun an hmang. He an hun hman 2nd Session hi LADC Chief Executive Member Pu T. Zakunga'n a hmanpuia a, 2nd Session-ah hian Officers lak tharte Association a lawmluhna hun leh infuihtharna neih ani. Vawiin meeting ah hian kum kaltaa Association hmalakna leh report hrang hrangte ngaihthlak niin agenda chhawpchuahte ngun taka sawiho anih hnu ah a vaiin lungrual taka pawm ani. 2nd Session - Officers lak tharte lawmluhna leh fuihna hun hi CEM Pu T. Zakunga chuan hmanpuiin, Officers kalkhawmte chu mawhphurhna an sang tak an nei ati a, District Council administration chu an kutah a awm tih sawiin tun aia nasa lehzuala tan la turin a sawm a, Lairam leh Hnam tana hna tha thawk turin a chah bawk ani. A sawi zelna ah CEM chuan Officers te chu eng post ah pawh awm se, Hotuten an dahna apiangah tang tak leh phur taka hna thawka, theihthawp chhuah turin a ngen a. Staff te nena thawhhona tha nei turin leh anmahni rawn dawrtute, thil hrethiamlo zawkte chu polite tak leh zahawm taka lo dawngsawng thin turin a chah a, mi rilru tina lo turin leh tawngkam chhuak fimkhur turin Officers kalkhawmte chu a chah ani. He hunah hian Pu H. Lalramenga, Executive Secretary leh LADCOA Adviser ni bawk pawhin thuchah tawi sawiin Officers te chuan khawilo chhuahna leh awmnaah kan tihtur, awndan tur mi sawi amawia khawsa turin a chah a, Conduct Rules ngaipawimawh tur leh khauh taka pawl invawng turin a chah a, LADC thanlenna leh hmasawn zelna tur atan an thiamna leh finna te hmang turin a fuih bawk ani. LADC Officers Association te hian kum kalta chhung khan hetiang hian tanpuina an pe ani. * CEM Relief Fund - Rs 20,000/- * ICCYC Conference - Rs 55,000/- * YLA Gen. Conference - Rs 50,000/- * Christmas Thilpek:- • LCMC Rs. 5000/- • Dist. Hospital Rs. 5000/- • CHL Lawngtlai Rs. 5000/- • Lairam Motherless Home Rs. 5000/- • District Jail Rs. 5000/- Collins Ngurnunchhunga AI&PRO - LADC 27042018-1800