INFORMATION PUBLIC RELATIONS DEPARTMENT

Lai Autonomous District Council Lawngtlai

PR NO.87/2021-2022

CEM LADC IN FIRE PREVENTION WEEK 2022 A HAWNG.

Lawngtlai,7^th February,2022: Vawiin khan Pu V.Zirsanga, Chief Executive Member,Ladc chu fire Prevention week 2022, hawnna inkhawm, Deputy Commissioner Lawngtlai, Office tualzawla neihah Khuallian niin, kangmei ven hapta,7-14 february, 2022 chhunga hman  tur chu a hawng.

          Fire preventioin week 2022 Chhung hian thupui atan,‘Kangmei ven hi mitin mawhphurhna a ni,’ tih hman a ni. He hun chhung hian kangmei tichhuak lo turte, Kangmei laka fimkhur tur te leh Kangmei laka ramngaw leh ngunchate venghim tura inzirtirna hun hman thin a ni dawn a ni.          

          Fire Prevention week 2022, hawnna Programme hi Dr. Andrew H. Vanlaldika,MCS, Deputy Commissioner,Lawngtlai chuan Kaihhruaiin, Rev.C.Chanchinmawia,Principal,LAHAS chuan hunserh a hmang. Chairman kaihhruaina hnuaiah kangmei veng tur leh midangte zirtir tur a intiamna (pledge) neih a ni. 

          Khuallian Pu V.Zirsanga chuan,kal khawmte chibai bukin,thiltha tihna tur kawnga a tel ve thei chu vannei a inti in,lawmawm atih thu a sawi a; thiltha tih hi midang kuta dah mai lovin,thiltha titu nih kan tum a,thiltha tihna kawngah chuan tel ve zel duhna rilru kan put a pawimawh takzet a ni tih thu a sawi. Kangmei ven hna hi Forest Department leh sawrkar kuta dah mai lova, mitin  mawhphuhna ni tih hre thar leh tur leh midangtepawh zirtir zel turin kalkhawmte chu a chah bawk a ni.

          Pu K.Lalromawia, DCCF leh Member Secretary,District Level Committe on  fire prevention, Lawngtlai district hnen atang in report ngaihtlak a ni a,Pu Lalrinmuana,MFS chuan lawmthu sawina neiin programme tih tawp a ni.

Written & Published by: I&PRO, LADC