INFORMATION & PUBLIC RELATIONS DEPARTMENT
Lai Autonomous District Council,Lawngtlai
PR.No 73/2021-2022
Lawngtlai 10th December,2021: Vawiin khan Pu V.Zirsanga,Chief Executive Member, LADC chuan Lai House,Aizawlah Pu C.Kamlova, 'Padma Shri' chawimawina dawngtu chu lawmpuina thuziak leh tangkafai a hlan.
Pu V. Zirsanga, CEM chuan, Pu C. Kamlova chu Laifa, Lai Autonomous District Council chhung atanga Padma Shri - 2020 dawngtu Chawimawina ropui tak leh zahawm tak dawng hmasa ber leh awmchhun anih avangte leh, Thu leh hla (literature) leh Zirna(Education) lama a thawhhlawk em avang hian chawimawi phu a ni a; Lai ram leh hnam min tihmingtha a, mite hmuha Laifate pho chhuaktu anih avanga lawmthu hrilhin, Chawimawina thuziak leh tangka fai a hlan a ni.
Pu C.Kamlova hi kum 1948 khan Mampui khuaah lo piangin, Hindi zirtirtu hna a thawk thin a, Mizoramah Hindi in hma a sawn theih nan nasa taka thawkin Hindi zirlai bu te lo siam tawh a ni a. HINDI-MIZO dictionary pawh a lo buatsaih tawh a ni.
Written & Published by: I&PRO, LADC
