INDEPENDENCE DAY 2020 SPEECH OF PU T. ZAKUNGA CHIEF EXECUTIVE MEMBER, LAI AUTONOMOUS DISTRICT COUNCIL
74th INDEPENDENCE DAY, 15th August, 2020
By
Pu. T. Zakunga
Chief Executive Member
Lai Autonomous District Council
India Independence Day, vawi 74-na kan thlen hian kan ram tana rohlu mi ropui te, Pu te Mahatma Gandhi, Sardar Patel, Subbhas Chandra Bose leh midang Independence kan hmuh theih nana tha tam tak lo thawhtu zawng zawng te chibai kan buk a, An mahni vanga zalenna nei kan ni tih hi theihnghilh theih a ni lo a ni. Vawiin ni hi India khua leh tui te tan hian a hluin a ropui tak zet a, keini Laifa te tan pawh keimahnia ro inrelna, sorkar kan neihna a ni bawk a ni. Kum dang ang lo deuhin kumin chu State Sorkar nen hmunkhata hmang loin keimah ni bila hman tulna a awm tlat avangin Mizoram State chhung a Autonomous District Council te tan chuan ni chhinchhiah tlak leh hriatreng tlak a ni dawn a ni. He ni min hmanpui tura kan sawm te, Executive Members, MDC le Official te, Kohhran hruaitu te, NGO leh Political Party hruaitu te leh kan mi sawm zawng zawng te, in vaiin Zalenna Ni chibai ka buk ache u.
Covid 19 hrileng avangin National Day duhawm tak pawh duhthusamin kan hman hleih theih loh bakah hmanhmawh taka he hun hman dan tur hi rel chawp a nih avangin kan inpuahchahna leh kan programme te duhthu a sam lo hle ang tih ka ring. He hun hi hun pawimawh bik a nih avangin hmang lo thei leh lawm lo thei kan ni lo a, duhthusam angin lawm thei lo mah ila, India ramin zalenna a hmuh avanga kan Hnamin thil tha tam tak a hmuh leh a dawn te kan ngaihlu a ni tih tarlan hi tul nia kan hriat tlat avangin he lawmna hun hi kan buatsaih a ni.
Ram zalen, mahni a ro inrel kan nih angin Lai Autonomous District Council ah pawh Congress-in sorkarna a kalpui mek a, he sorkar hian kum 2019-2020 chhung pawh khan hmasawnna hna tam tak a lo thawk ve tawh a, chungte chu a then tal kan hriat atan sawi ka duh a ni.
(1) NITI AAYOG (PLANNING COMMISSION) :
India Sawrkar laipui NITI AAYOG hnuaiah kum 2018-ah Rs.346.72 lakhs chu LADC in a dawng a, he fund hmang hian mipui mamawh hrang hrang hmasawnna ruhrel siam a ni a. Hnathawh langsar tlangpuite chu ahnuaia tarlan ang hi a ni :-
1) Rs. 150.00 lakh hmangin Tialdawngilung, Archhuang leh Vawmbuk leh a chhehvel khaw hrang hrang mipui ten kuthnathawh hmanga ei leh bara kan ram kan lo intodelh theih nan buhmun leilet kawngpui tha tak laih a ni.
2) Khawvel changkang zelah kan ram khawpui Lawngtlai pawh khawpui chep lutuk anih loh nan, khawpui zauh nan khawpui chhung AOC vengah kawng 3 Kms chu laih niin kawng hi Cement Concrete hmanga siam a ni. He kawng hmang hian in leh lo ram la nei ve lo te tan insakna tur ram tam tak ruahhman theih a ni ta a ni.
3) LADC chhunga thingtlang khaw hrang hrang inkalpawhna ngai pawimawhin hun rei tak BRFT ten Vartek atanga Vatekkai kal kawngpui an siam chhe tawh chu, LADC chuan tunhnaiah khan Rs. 30.00 lakh hmangin inkalpawhna kanwg tha tak a siam sak a ni.
(2) ANNUAL PLAN FUND :
Dt. 19th March, 2018-ah LADC chuan Rs. 600.00 lakh a hmu a, hemi hmangin mipui mamawh leh LADC Office Building hrang hrang sakthat/cheithat nan a hmang a. He fund hmanga hnathawh langsar zualte chu a hnuaia tarlante hi an ni :-
(a) Construction of ARO Office Bungtlang‘S’ - Rs.30.00 lakhs
(b) Construction of R.O. Office Vertical extension,Sangau- Rs.20.00 lakhs
(c) Forest R.O Office building,Tuithumhnar- Rs.15.00 lakhs
(d) Forest Check Gate,Tlangpui,Lungzarhtum– Rs.15.00 lakhs
(f) EM’s vehicle garage – Rs.10.00 lakhs
(g) R.O. Quarter Revenue,Bualpui‘Ng’– Rs.25.00 lakhs
(h) LADC Rest House,Vawmbuk - Rs.30.00 lakhs
(i) Market Shed,Vathuampui- Rs.10.00 lakhs
(j) Rest Room, Prayer Mount,Lawngtlai - Rs.3.00 lakhs
(l) Rest Houses of Bungtlang ‘S’, Cheural,Chawngte ‘P’,Siachangkawn, leh Sangau under LADC renovate a ni.
(3) NEDP :
Dt.15thMar, 2018 -ah LADC chuan NEDP Scheme atangin Rs. 290.00 lakh a dawng a, he fund hi LADC hnuaia mipui vantlang mamawh hrang hrang a hnuaia tarlanah te hian hman a ni :-
(a) Lawngtlai khawpui chhunga thlanmual ram a tlem tial tial a, hemi hre reng chung hian LADC chuan Lawngtlai khawpui a lo thawl zawk nan leh khawpui alo changkan theih zawk nan thlanmual ram zau tak KMMTP kawngpui bulah thlanmual ram Lawngtlai mipui zawng zawng in hman tawm tur leh kum tam tak daih tur siam a ni.
(b) LADC huamchhunga thalai ten tunlai khawvel infiamna leh intihsiakna kawnga hmasawnna atan tiin Vawmbuk leh Diltlangah Footbal khelmual Rs. 50.00 lakh leh Rs. 30.00 lakh hmangin field tha tak siam a ni.
(c) Leilet buh hmun siam hmanga LADC huamchhunga mipuite ei leh bara kan lo intodelh theih nan LADC chuan Rs. 150.00 lakh hmangin khaw hrang hrangah leilet buhhmun tha tak tak a siam a ni.
Dt.3rd Oct, 2018. –ah LADC chuan NEDP hnuaiah Rs. 162.96 lakh fund a hmu leh a, he fund hi Sikul insak nan hman tur bika ruahman a ni a, a hnuaia Middle Sikul 4 leh Primary Sikul 6 tarlan te hi hlawhtling taka sak an ni :
(a) College VengLawngtlai P/S,
(b) Chawngtelui P/S,
(c) Rawlbuk M/S,
(d) Saikhawthlir P/S,
(e) Rawlbuk P/S,
(f) Tialdawnglung M/S,
(g) M Kawnpui M/S,
(h) Chamdur P-1 P/S,
(i) Siachangkawn M/S,
(j) Zochachhuah Lower P/S.
(4) MDCADF :
Kum 2018 atangin Rs. 2.00 lakh hi MDC Member 28 te tan MDC Area theuh te chhawmdawl nan leh hmasawn nan ruahman a ni a, kum 2019-20 khan member pakhat tan Rs 4 lakhs dah a ni a. Kum 2020-21 ah chuan Rs 5 lakhs ruahman a ni bawk a ni. He fund atang hian a hnuaia tarlan MDC bial hrang hrang mamawhte hnathawh thin a ni :
1) Public Urinal shed
2) Retaining Wall
3) Roadside Waiting shed
4) Side drain
5) Street Road and Pedestrian Pavement Improvement
6) Masonry link steps
7) NGOs Cemetery Utility House
8) Water tanky
9) Community Sport Galleries Painting and Beautification
5) NLCPR : India Sawrkar laipui hnuaia India hmarchhak hmasawnna tur bika ruahman Ministry of DoNER hnuaia NLCPR ah hian Sikul Building sak Project Rs. 1109.86 lakh hmuh a ni a, Middle Sikul 20 sak turah 15 sak a ni tawh a Primary Sikul 29 sak turah 22 sak a ni tawh a. Kumin chhung hian Sikul sak hmabak zawng hi sak tum a ni. Tin, India Sawrkai laipui tanpuina in Lai House, Aizawl, Lai Students’ Boys and Girls Hostel, Aizawl, Areopagy Building, Kawlchaw Balu Road, College Veng Vaizuala Tuikhur leh 71 RCC Camp inkar kalkawng chu Cement Concrete hmanga siam a ni.
6 ) TRIBAL SUB - SCHEME :
Rs.950.00 lakhs chu Dt.25th Feb, 2019-ah khan Ministry of Tribal Affairs, Gov’t of India, hnam tenau zawk ngai pawimawh em em tu Ministry atangin hmuh a ni a, hemi hmang hian building project 3 sak tum a ni.
(a) Skill Development Training Centre, Lawngtlai : Rs.300.00 hmangin tunlai thalaite thanlenna tur ngai pawimawhin mahni kutke hmanga thiamna leh intodelhna an lo neih theihnan thiam thil zirna chi hrang hrang e.g Sofa siam ,Computer Hardware Repairing, Mobile repairing leh Motor Works ang chi te an zir theihna tur atan buatsaih mek a ni.
(b) Tribal Girls’ Hostel, Lawngtlai : Rs.350.00 lakhs hi India Sawrkar laipuiin hmeichhe chanvo leh nihna ngai pawimawhin thingtlang atanga khawpuia eizawnna hrang hrang leh thiam thil zira, lo kal te tana an awmna tur leh an inbuatsaihna tur atan a buatsaih chho mek a ni.
(d) Community Centre, Vawmbuk : Rs.300.00 lakhs hi khawchhung miten infiamna leh khawtlang inrelbawlna tangkai taka an hman atan buatsaih chhoh mek a ni.
7) Kum kal mek 2020-21 Budget-ah hian kan Council Fund atangin Covid -19 hripui do letna atan Rs 50 lakhs dah a ni a, Mizoram Journalist Association te nen inrawnna neih a nih hnuah MJA Welfare Fund & Pension Fund a hman atan Rs 1 Lakh dah a ni bawk a ni. Lonei mite tanpui nan, mi 300 tan Rs. 5000 theuhin Rs 15 lakhs sem chhuah a ni tawh a, in leh lo la nei lo te tan insak tanpuina, CEM Rural Housing Scheme ah Rs 50 lakhs dah a ni bawk. Huan lo ram nei te tanpui nan Horticulture Depptt. hnuaiah Rs 15 Lakhs leh Fisheries Deptt hnuaiah Rs. 15 Lakhs tanpuina semchhuah a ni tawh bawk a ni.
8) Excluded Area Grant : Kumin 2020 hian India Sawrkar laipui chuan keini 6th Schedule Area –te ngai pawimawhin Rs. 356.79 lakh min rawn pe a, he fund hi mipui vantlang mamawh leh hmasawnna atan a hnuaia tarlan tlangpuiah te hian hman tum a ni.
a) LADC Court Building sak chhunzawm tum a ni.
b) Revenue Officer Office Builkding sak chhunzawm tum a ni.
c) Leilet buh hmun tih hmasawnna atan ruahman a ni.
d) Tualchhung Sangha tharchhuah tihpun nan hman tum a ni.
e) Insak tanpuina atan hman tum a ni.
f) Side Drain leh Retaning Wall siamna atan hman tum a ni.
Heng hnathawh te piah lamah hian kan sorkar hian hna dang tam tak a thawk bawk a, kan kan ram hmelhmang te a lo mawi zawk a, zahawm zawka kan awm theih nan kan tawng hmasawnna tura nasa taka kan beih bakah kan thuam leh culture te, kan nunphung tamtak humhalh nan nasa takin hna kan thawk a ni. Laifa te Central Service lama kan luh tam theih nan tiin Budget ah pawh Financial Assistance to UPSC Aspirants atan Rs 12 lakhs dah a ni a, a bawhzuitu tur Committee din chuan a tul angin a la bawhzui mek zel a ni. Tin, kum 2020-21 Budget-ah pawh Rs 12 lakhs tho dah a ni leh bawk. Kan Revenue tlingkhawm atangin Finance & Account Office Building pawh kum 2018 atang khan sak tan niin hna pawh zawh a ni tep tawh a ni.
Hnam dang leh ram dang awpbehna hnuaia awm lova zalen kan nih avang chauha heng hmasawnna hna te hi thawk thei kan ni. Thlarau leh tisa zalenna min petu Pathian hming chu vawiin niah hian fakin awm se, Lairam mipui te hian kan zalenna hi ngaihlua Pathian thu leh a buatsaih Sawrkar thu hi awia zawm fo i tum ang u.
Ka lawm e.
Jai Hind.
