INFORMATION & PUBLIC RELATIONS DEPARTMENT,

Lai Autonomous District Council, Mizoram

CEM leh MJA  Lawngtlaite inkawm

No.55/2021-2022

Lawngtlai, 5^th November 2021: Vawiin khan Pu.V Zirsanga, Chief Executive Member, LADC chuan MJA Lawngtlaite thingpui inah sawmin, CEM Chamberah Inkawmhona an nei.

CEM chuan, Chanchinbumite’n A sawmna ngai pawimawh a, inkawm hona an nei thei chu lawmawm a tih thu a sawi a; Chanchinbumite hi Mipuite zirtira, Sawrkar hmalaknate puanza sak a, Sawrkar khalh ngiltu, thurawn pe thin tu an lo ni tawh thina, LADC sawrkar leh a mimal ang pawh a thawhpuia Finchhuah a,thurawnte pe thin turin a ngen bawk a ni.

                Pu .V zirsanga chuan,Chimral a kan awm mai loh nan leh Hnam anga Rorel kan in rel ve a, hma kan sawn theih nan Pathianin LADC min pe a, Pathian Kaihhruaina a zarah, Kum 2022 hi LADC kum 50-na (Golden jubilee)  alo nita reng mai a, Pathianin Rem a tih a, hun tha te kan nei anih chuan ropui taka lawm  tum a nih thu leh, Committee te in din in hma lak mek zel a ni thu a sawi. LADC sawrkar chu Sixth Schedule in  thuneihna a pek  ang zelin Dan siam lamah theihtawp  hma la zel a, Dan neihsa siamrem (Amendment) leh Dan thar siam turin a inbuatsaih mek zel a ni tih a sawi. LADC hnuai a sawrkar hnathawk Post leh Recruitment Rules In Mil chiah lote pawh siam remin, zirtirtu siamrem (rationalisation) pawh kalpui  turin a inbuatsaih mek  thu a sawi bawk.

                Sawrkarin hmasawnna  hna a thawh dawnin,  mimal ram a lei a ngai ta zel mai hi a pawi tak zet a,hnthawhna tur Sum tam tak ram lei nan  a kal leh thin a; Chuvang chuan LADC sawrkar chuan Ram tam zawk hi sawrkar ram a aluh leh theih na turin hma a lak tur thu CEM chuan sawi.

                LADC hnathawh mekte leh hmachhawp hrang hrangte sawiin,inkawmna hun an hmang a,MJA Lawngtlai te hian CEM Relief Fund ah Rs 2000 an chhung lut nghal. CEM hi Pu L.Daniala,EM i/c Education (P/s)  Leh Pu C.Lalropuia Chinzah, EM i/c I& PR ten an tawiawm a ni.

Published by I&PRO,LADC