Release Date: 2018-05-01 18:30:00

Vawiin 2nd May, 2018 khan LADC Officers' Association te chuan CEM Relief Fund atan tanpuina pawisa fai an pe. Relief Fund hlanna hun reilote ah hian LADCOA President Pu Thathluna Chinzah chuan Association aiawhin LADC Chief Executive Member Pu T. Zakunga hnenah relief fund hi a hlan a, LADC administrative post hrang hrang setup tun aia mumal leh felfai zawka siamtha tura hma a lakna ah lawmthu a sawi a, Sorkarin mumal lehzuala hmasawnna kawng a zawha mekah Officers-te chuan an theihna chin zelah Sorkar an tawiawmin an thawkho zel dawn ani ati. CEM Pu T. Zakunga pawhin thu sawiin, Officers Assn. ten hetianga relief fund an pe thin chu lawmawm ati a, Sorkar Officers te chu an awmna chin zelah Sorkar tana rinawm taka thawk turin leh an harsatna te pawh a hnena thlen thin turin a fuih a, a theih chin apiangah fello leh diklo laite siamthat chhoh zel ani ang ati. 7th Pay chungchang sawilangin, CEM chuan State Sorkar ina a hman ruala hman ve nghal anih theihnan Chief Minister-ah thlen anih tawh thu a sawi bawk. Vawiina Officers Assiciation ten CEM Relief Fund a tanpuina an hlan hi Cheng 40,000/- (Cheng Singli) ani. Collins Ngurnunchhunga, AI&PRO 02052018-1530