RELIEF FUND ATANGA BUHFAI LEI A THLENG
Inrinni, June ni 6, 2020: Lai Autonomous District Council CEM Relief Fund for COVID19 tanpuina lutkhawm atanga lei buhfai Quintals 840 chuan nizan khan Lawngtlai a thleng.
Buhfai hi nizan khan Lawngtlaia LADC Complex ah truck pali hmanga thlenpui niin tun dibhmun ah kawnga laka thangmek ala awm bawk ani. Buhfai hi FCI Godown Aizawl atangin Pu Albert Lalrinzuala, ACF hovin lak ani.
Heng buhfai tehi LADC Conference Hall leh Secretariat Complex chhunga hmun remchang ah chhekluh ani a, a hmunah hian Pu Thathluna Chinzah, SYO & Nodal Officer (DM&R) leh Pu J. Zahlira, Local Administration Officer leh a ho ten an endik pui ani.
LADC Sorkar Chief Executive Member Pu T. Zakunga kaihhruaina in hripui leng laka kan in chhawmdawlna tur atan CEM Relief Fund for COVID-19 din ani a, he relief fund ah hian LADC Office Holder leh thawktute nikhat hlawh chhunluh niin pawl hrang hrang, NGO, mimal, kohhran leh mi tlawmngai ten sum an chhunglut ani.
CEM Relief Fund for COVID-19 hi semchhuah mek zel niin mi inphalten donation an siam reng bawka, tun tuma buhfai thleng pawh hi CEM Relief Fund for COVID-19 Committee-in a tul angin a semdan tur a ruahman dawn ani. Tun tumah hian buhfai hi quintals 1090 lei ani.
Written by
Collins Ngurnunchhunga, AIPRO
I & P R - LADC
06062020-1230
Post ID 265
