CEM RELIEF FUND FOR COVID-19 REVIEW MEETING NEIH ANI
June ni 25, 2020 (Ningani): CEM Relief Fund for COVID-19 atanga tanpuina leh buhfai semdan enletna review meeting chu vawiin khan Chief Executive Member Pu T. Zakunga leh relief fund committee Chairman Pu H. Lalramenga, Executive Secretary hovin CEM Conference Hall-ah neih ani.
Vawiin meeting-ah hian CEM Relief Fund for COVID-19 atanga tanpuina chi hrang hrang semdan te thlirlet leh report ngaihthlak ani a, mi tlawmngai leh inphal te zara Lairam mipuite an himna tura tanpuina petu zawng zawngte leh a semchhuahna lam buaipui tura penchhuak officers in volunteer-te chungah Executive Secretary chuan lawmthu a sawia, Chief Executive Member Pu T. Zakunga chuan officers te inpekna leh thawhrimna chu lungawithlak tih sawiin, hun lo kal zelah pawh Committe-in a mamawh hunah tlawmngaia penchhuak leh turin officers kalkhawmte a sawm ani.
Tun dinhmun ah hian tanpuina a luhbelh zela, buhfai pawh invenna atan quintals engemawzat chu reserve tawh ani a, relief fund pawisa hmanbang te pawh hemi pual liau liauva account siam ah vawnthat tlat ani. Relief semdan hi felfai taka vawn niin hrechiang duh chuan office lamah zawh theih reng ani. CEM Relief Fund for COVID-19 ah hian vawiin vek khan Milton Tlangchhan (Kum 2) mi chuan Cheng 1,000/- (Sangkhat) a hlan ve leh bawk ani. 
