Release Date: 2014-01-19 18:30:00

Vawiin dt 20.1.2014 hian CEM lakluhna inkhawm neih a ni a, inkhawm hi Executive Secretary Pu C. Zoramthanga’n a kaihruai a, Lawngtlai DC Pu J.Hmingthanmawia chuan Pu V.Zirsanga chu rinawmna thu  tiamtir in CEM thar atan a lalut a ni. CEM thar Pu V.Zirsanga chuan sawrkar chu mitin huapzo, mipui sawrkar a nih theih nan amah leh a thawhpuiten hma an la dawn tih a sawi a, sawrkar laka beiseina nei tawhlote tan pawh beiseina nung an siamsak dawn tih a sawi a ni. CEM thar hian designated Executive Member (EM) atan mi pathum (3) – Lungtian bialtu MDC Pu F.Hranglura, College bialtu MDC Pu H. Chhuanawma leh Vathuampui Bialtu MDC Pu C.Lalneihkhuma te a ruat a ni.