CHIEF EXECUTIVE MEMBER PU MANGHMUNG CHINZAH LEH MJA HRUAITUTEN INKAWMNA AN NEI.
Lawngtlai, February ni 4, (Ningani) 2021:- Vawiiin chawhma dar 11:00 AM khan Pu Manghmunga Chinzah, Chief Executive Member, Lai Autonomous District Council leh Mizoram Journalists' Association (MJA) Lawngtlai District hruaitute’n CEM Office Chamber-ah inkawmhona an nei.
MJA Lawngtlai District President Pu Lalngheta Ralte chuan Chief Executive Member chu lawmpuina hlanin MJA leh District Council Sorkar chuan thawhhona leh inhriatthiamna tha tak anei ani, tiin, Jounalists’ te tana LADC Sorkar-in pension te pawh a siamsak chu lawmawm atih thu a sawia, Sorkar leh print & visual media te an tangtlang phawt anih chuan mipui ten Sorkar hmalakna tamzawk an tangkaipuiin an bengvar dawn ani tiin, Sorkar leh print & visual media te chu kalkawpa inngaichang tawna thawhhona tha tak neih atul ani tiin advertisement leh subscription chungchang ah pawh Budget-ah provision tamzawk dahsak turin an beisei ani, ati.
Chief Executive Member Pu Manghmung Chinzah chuan MJA te nena inkawmhona tha tak neih ani thei chu lawmawm atiin, Sorkar khalhngil na kawngah media-te pawimawhzia a sawia, hei hian ram rorelna khalhngil kawngah nasa taka puitu niin lawmawm atih thu a sawi.
Chief Executive Member Pu Manghmunga Chinzah chuan sorkar sum indaihlohna avangin Revised Estimate dil belh anih thu a sawi a, Muster Roll thawktute an temporary service tihtawpsak an nih thu sawiin M/R thawktute an tam lutuk chuan hei hian Sorkar sum indaihlohna chikhat asiam ani tiin, chumi mai bakah Budget-a indaihlohna leh sum renchemna kawng pakhat ani ati a, heti hian LADC chuan thlatin Cheng Nuai 35 vel a khawl thei dawn ani ati, hei hi politicize chi a nilo ati a, Pu T. Lalengmuana, Executive Member (LAD, I&PR) pawhin thu sawiiin chuan Sorkar sum leh sorkar kut leh ke diktaka hman chu tihmakmawh ani ati.
Myanmar rama kan unaute’n tunlaia tawrhna an hmachawn chungchang sawiin an anharsatna te kan tawhrpuiin amaherawhchu Ram hrang leh sorkar hrang enkawlna hnuaia awm an nih avangin duh duha chet lak leh inrawlh a rem lova, amaherawhchu tawngtaina leh thinlungin a hre reng ani ati a, engpawhnise, kawng dap ve reng nih thu a sawi.
MJA Lawngtlai District te hian Chief Executive Member chu Sage leh MJA Welfare Pension Rules lehkhabu an present bawka, hemi bakah hian CEM Relief Fund atan hian Cheng 2,000- (Sanghnih) an hlan nghal bawk ani.
Written by Collins Ngurnunchhunga, AI&PRO
Photos- LC Chenhrang
