LADC IN COVID-19 BORDER DUTY NUNNA CHAN CHHUNGTE A TUARPUI
June ni 9, 2020 (Thawhlehni) :- Nula H. Lalvenmawii (Kum 18) D/o H. Kapliana Sangau-I chu Fungsih (Saisihchhuah) Border COVID19 Duty niin a duty lai hian damlohna in tlakbuakin ram leh hnam tana nunna a chan hi Lai Autonomous District Council chuan pawi a tiin a kalsan tak a chhungte rilru leh tihtakzetin a tuarpui ani.
Pu H. Lalramenga, Executive Secretary leh Chairman, CEM Relief Fund for COVID-19 chuan ram leh hnam tana nunna hlantu Nula Lalvenmawii chhungte hnenah hian Cheng Singnga zangnadawmna pek anih tur a sawia, Chief Executive Member Pu T. Zakunga pawhin lusun chhungte a tuarpuizia sawiin ralna Cheng Singkhat a hlan bawk ani. CEM chuan COVID19 duty leh worker nunna chan ta chhungte tan hian Central leh State Sorkar atangin zangnadawmna pawh a tul ang ang bawhzui ani ang ati.
Written by Collins Ngurnunchhunga
AIPRO
I & P R - LADC
09062020-1800
www.ladc.mizoram.gov.in/post/covid19-duty-nunna-chan-ladc-in-a-tuarpui
