COVID-19 DO NAN DISTRICT COUNCIL-IN TANPUINA CHENG NUAI NGA A HLAN
Nilaini, June ni 17, 2020: Vawiin khan Lai Autonomous District Council hotute leh Lawngtlai District Bawrhsap thar Pu Andrew H. Vanlaldika ten inkawmna an nei. Vawiina inkawmna hun neih ah hian LADC Chief Executive Member Pu T. Zakunga chuan Lawngtlai DC thar lawmpuina thu sawiin ram leh hnam tana hmasawnna hna thawhpui-ah a sawm a, thawhhona tha hi kan thupui niin tanho leh thawhho kan thiam phawt chuan ram in chak lehzualin hma asawn dawn ani ati. CEM chuan Lai Autonomous District Council-in COVID-19 dona kawnga theihtawpa hma alo lak tawh dan te leh hemi pual liau liauva relief fund din anih thu te sawiin, Lawngtlai District-ina COVID-19 kan dona kawngah LADC in District administration chu a thawhpui tlat ani tih entirnan atul anga hman turin DC thar hnenah hian tanpuina Cheng 3,00,000/- (Nuai Thum) a hlan a, Pu H. Lalramenga, Executive Secretary pawhin Lai Puan hlan bawkin Lawngtlai DC hian lawm takin a dawng ani. DC chuan LADC ina hma alo lak tawhna te chu lawmawm a tiin hun lo kal zelah District Council nen thawhhona tha tak neiin leh infinchhuah tawnin hmasawnna hna tha tak thawh aduh thu a sawi bawk ani.
Hemi hnu hian CEM chuan District Hospital Lawngtlai tlawhin District Medical Superintendent Dr. Zothanpari Chhakchhuak leh a thawhpui doctor rual ten an lo dawngsawng a, CEM Pu T. Zakunga chuan doctor te inpekna leh thawhrimna chu fakin an hahzia pawh District Council chuan a hriatpui ani tiin DMS Lawngtlai hnenah hian District Council hmingin tanpuina Cheng 2,00,000/- (Nuai Hnih) a hlan ani. Executive Secretary Pu H. Lalramenga chuan fuihna thutawi sawiin theih chin apiangah District Council chu a inpeih reng ani tih sawii, mamawh an neihte pawh thlen hrehlo turin a chah bawk ani.
Chief Executive Member hi Executive office holders ten tawiawmin, official atangin Deputy Secretary (GAD) Pu LZ. Tluanga ten an tawiawm ani.
Hetih lai hian vawiin vek khan CEM Relief Fund for COVID-19 ah Village Council Electric Veng chuan Cheng 10,000/- (Singkhat) tanpuina an hlan ani.
written by
Collins Ngurnunchhunga
AIPRO
