Release Date: 2018-04-09 18:30:00

Environment, Forest and Climate Change Department, Lai Autonomous District Council chuan dan lo anga thingzai te dapchhuah hmalakna kal zelah thingzai nana hman chain-saw pali inrinni kalta khan an man leh. Heti hian a zavaiin Chainsaw an man tawh zat hi 27 niin, Gelatine tlawn 80 chuang an man tawh bawk. Environment, Forest & Climate Change Department LADC chuan ngawrh takin Dan lova thingzaina hmanrua te an man zela, thing leh mau chereu zel tur vennan tlaivarin duty te insiamin nasa takin hma an la mek ani. Hetih lai hian aruka thing zai tum, sa pel leh ramvak an la awm thin chu pawi an tiin, Sorkar in a phalloh leh remtih loh chu tilui lo turin mipuite a chah a, man an nih chuan dan anga action lak zel anih tur thu Department hotuten an sawi bawk. Collins Ngurnunchhunga AI&PRO - LADC 1100-10042018