PR No.45/2023-2024.

Lawngtlai Dt. Ni 18th March, 2024 hian Pu Cheemala Siva Gopal Reddy, Deputy Commissioner Lawngtlai chuan, LADC Caretaker a ruat a nihna angin Lai Autonomous District Council hnuaia All-Head of Department Meeting a neih pui.

Pu Cheemala Siva Gopal Reddy, Deputy Commissioner/LADC Caretaker chuan thusawiin, LADC Officer-te nen thawhona tha tak neih ka duh a. Tunah hian 2024 India General Election lo awm tur avangin kan buai chho tan viau a, mahse kan tan ho chuan thil danglam (Change) kan siam thei a. Sorkar hmalakna hrang hrangah-te mipui hnen thleng phakin hma kan la tur ani a ti.

A sawi zel naah, Lawngtlai District ka rawn kal dawn khan ka thiante pawhin a hmun hi an hre lar vak lova, chuvangin, Lawngtlai hming hi a tha zawnga kan vawrh lar a ngai a, kan hma lawk Lok Sabha General Election lo awm turah pawh, theih tawp chhuahin tang ho ila, National Media leh Newspaper a lang phak a hnathawh tum I la. National Media leh Newspaper-ah te Lawngtlai khua a lanzin chuan, kan khua kan vawrh lar tihna a ni dawn a, Tourist-te pawh kan hip phah thei dawn ani a ti.
Tin, State Government hnuaia Department-te leh LADC hnuaia Department-te thawh hona tha in neih ka duh a, atul phawt chuan engtik lai pawhin suggestion emaw hasatna in neih te min lo sawipui thei ang a ti. Tin, heng bakah hian LADC hnuaia Department hrang hrang te’n Executive Committee awm loh avanga harsatna leh File pending an neihte a sawi pui a, a theih chin chin chinfel pui a tum thu a sawiin, harsatna leh hriatthiam loh emaw, rawtna in neih pawhin engtik lai pawhin ka Office Chamber-ah lo kalin chinfel dan kan ngaihtuah thin dawn nia ati bawk.

Written & Published by; I & PR Department LADC Lawngtlai.