DISTRICT COUNCIL HMUNPUI-AH FIMKHUR LEHZUALA HRILENG LAKA INVAWN ANI
Zirtawpni, August ni 21, 2020:- Mizoram ah CoViD-19 hrileng laka thawktute leh mipui him zawknan leh inven nan Lai Autonomous District Council chuan a hnuaia thawktute tan invenna kawngah nasa takin hma a la a, thawktuten anmahni dawr tute nena contact tamlo thei ang ber turin Department ten an dawrtute chu pawnlam atanga dawr turin leh loh theihlova Office chhunga luh ngai te chu mask vuah turin an ngen a, kutsilna, sanitizer, non-contact electronic infra-red sanitizer te an chhawp sak bawk ani.
LADC hnuaia thawktuten mask vuah leh mahni invenna lamah nasa takin tan an la a, gate leh kawngkhar tam takah office dawr tute contact tracing kalpui ani. LADC hnuaia Department te hian an dawrtute chu an hming, address, phone number leh an hmuh turte in register turin an ngen a, hei hi thawktute leh dawrtute him tlanna tur leh invenna tur anih avangin mipui te pawhin ngaihpawimawhsaka in register hram turin an ngen bawk ani.
Lai Autonomous District Council chuan a hnuaia thawktute chu Pisa kai zawha In lamah leh pawnchhuahna lamah te fimkhur lehzual turin leh tul lovah chuan pawnchhuak tam lo turin a chah bawk ani.
Hetih lai hian LADC Sanitation Department chuan sanitation thawktute, khawpui chhung tifaitute leh bawlhhlawh paihtute himzawknan chhungtin leh dawr kaite chu mahni hnawmhnawk leh bawlhhlawh an paih tur chu polythene emaw garbage bag-a bah turin Lawngtlai khawpui mi te an ngen bawk ani.
Written by
Collins Ngurnunchhunga
AIPRO
