Release Date: 2018-03-10 18:30:00

Lai Autonomous District Council Sorkar Pu T. Zakunga hmalakna hnuaiah Mizoram State PWD ten hunrei tak an lo luah hawh, Lawngtlai Electric Venga PWD I/B ram chu vawiin ni 22.3.2018 khan Lai Autonomous District Council kutah hlanlet ani. A hlanna hun tawite CEM Conference Hall, CEMO-a hman ah hian Pu T. Zakunga chuan thu sawiin, he hun hi hun lawmawm tak leh chhinchhiah tlak anih thu a sawia, hunrei tak LADC in CEM Bungalow nei lova a awm chu a ngaimawhin State PWD ten CEM Bangla sakna tura an ram luah-hawh an hlanlet thei chu lawmawm atih thu a sawi. Handover document ang chuan MPWD in ram an hlanlet taka tuna E/E PWD Qtr. luahlai erawh chu athar sak anih hma emaw, kum 4/5 atan an luah chhunzawm rih anga, District Council in CEM Bungalow a sak dawn hunah a chak (demolished materials) te chu MPWD ten an collect dawn ani. CEM chuan Bungalow sakna tur sum mamawh Cheng Nuai 500 chu Chief Minister zahawm tak Pu _ hmalakna in North Eastern Council (NEC) atanga ngaihtuah ani dawn tih a sawi. He hunah hian Pu C. Lallungmuana, Executive Member, Land Revenue & Settlement etc. pawhin thu sawiin MPWD ten an hmanlai leh an mamawh em em, CEM Bungalow sak nana an kian thei chu ropui atih thu a sawi bawk. He ram hlanna document ah hian MPWD aiawhin Pu C. Lalkima, Sr. EE PWD Lawngtlai Division leh Pu H. Lalramenga, Executive Secretary, LADC ten an sign a, LADC CEM hriatpuina in an inhlan ani. Hemi bakah hian Areopagy to LADC kawng pawh MPWD ten tun april thla atanga black-top thatdan tur te sawihovin, side drain mumal leh tha tak siamna tur pawh District Council in a ruahhman tawh ani tih tarlan ani bawk. He hun hian District Council atangin Pu V. Vanlianhrin SRO, Pu B. Lalhnuna U/S (GAD) leh MPWD atangin Pi Lalhmangaihi Fanai leh Pu Lalramdinliana Sailo AAO ten an telpui ani. Collins Ngurnunchhunga AI&PRO - LADC 22032018-1400