DISTRICT COUNCIL OFFICERS LEH LAWNGTLAI DISTRICT BAWRHSAP TEN INKAWMNA HUN AN HMANG
Lawngtlai, July ni 21, 2020. Thawhlehni:- Lai Autonomous District Council hnuaia officers te leh Lawngtlai District Bawrhsap te'n inkawmhona an nei.
He hun hi EF&CC Conference Hall, LADC ah hman niin Pu J. Zahlira, Local Administrative Officer & President, LADCOA chuan kaihruaiin DC lawmna thu a sawia, hetianga inhmelhriatna huntha neih theih ani chu lawmawm atih thu a sawi.
Pu H. Lalramenga, Executive Secretary chuan thu sawiin District Council leh District Administration inkarah inhriatthiamna leh inzahtawn chunga thawkho turin Bawrhsap chu a sawma, official-a indawrna chungchang ahte protocol maintain angaih thu sawiin fimkhur leh inbengvartawn chunga zela kan district tana theihtawp chhuahpuiah a sawm ani.
Lawngtlai District Bawrhsap Dr. Andrew H. Vanlaldika chuan thawhhona tha leh inlaichinna tha tak District Council nena neih aduh thu sawiin, District Adminisration chu theihtawpa kawng hrang hranga District Council-in a puih thin chu lawmawm ati a, hmasawnna zel tur chuan tanrual angai ani ti.
He inkawmhona hun ah hian officers kalkhawmte'n titi hona zau tak neiin hun tha tak hmanho ani a, Bawrhsap hi District Administration atangin SDC ten an tawiawm a, LADC Officers' Association chuan Bawrhsap hi Lai Shawl an hlan ani.
Written by Collins Ngurnunchhunga
AI&PRO
Post ID 21072020-1730
