DISTRICT COUNCIL OFFICIAL LEH DEPUTY COMMISIONER THAR INKAWM

Friday. February 15, 2019. Vawiin khan hian Lawngtlai Deputy Commissioner thar, Pi Shashanka Ala, IAS chu Lai Autonomous District Council aiawhin Executive Secretary hna chelh mektu Pu L.Z.Tluanga, Deputy Secretary (G) leh official dangte nen a office chamber-ah inkawmna leh thingpui inhona an nei.

Hetah hian Lawngtlai District chhunga state government District office a thawktute leh Lai Autonomous District Council hnuaia thawktute inkarah thawhhona thazawk a awmdan turte leh LADC chu Sixth Schedule Constitution hnuaia self-governing Autonomous District Council anih angin District level-a line Department ani loh thu te, mahni a inrelbawlna hrang hlak nei a nihna chu hriatthiampui turin a ngen a, DC thar chu Autonomous District Council chuan theihtawpa Lawngtlai District hmasawnna tur kawng hrang hranga a thawhpui tur thu sawiin Pi Shashanka Ala chu Lai Autonomous District Council leh Lai mipuiten kan lo lawm ani ati a, hemi rual hian DC chu Compilation of Rules and Regulations under LADC volume thar ber a hlan bawk ani. 

Pi Shashanka Ala, DC pawhin LADC kalphung leh inrelbawlnate, District Administration nena  thawhdunna turte alo zirchiang anga inpawh taka thawhhona tha tak an neih ngei a beisei thu lo hrilhin, District Council hmunpui pawh remchang hmasa berah tlawh a duh thu a sawiin LADC aiawha lo welcome tute chungah lawmthu a sawi bawk ani.

Pu LZ. Tluanga hi Pu Thansiama, P&DO charge la mektu leh Pu Collins Ngurnunchhunga, AI&PRO ten an tawiawm ani. 

Written & published by Collins Ngurnunchhunga, AI&RO