Release Date: 2017-12-07 18:30:00

Environment & Forest Department of LADC chuan Mizoram Sawrkar Programme pawimawh tak New Economic Development Policy (NEDP) hnuaia an Target Village- M.Kawnpui khuaah Pu KC.Malsawmdawngliana Executive Member i/c Forest etc. kaihhruainain hmalakna ngawrh takin an kalpui mek. NEDP hnuaiah hian Improved Chullah (mei thuk) 25 nos. an sem tawh a, Awareness Campaign on Sustainable Forest Management Programmme te pawh M.Kawnpui leh Bungtlang khuaahte hmang tawhin LED Bulbs pawh 100 chuang a sem tawh bawk. Heng bakak hian Construction of Water Storage Tank (9000 Littres) pawh an peih fel thawkhat tawh bawk. Heng bakah hian M.Kawnpui tan hian Participatory Village Water Security Scheme buatsaih mek a ni a. Eco-Tourism lamah pawh hmalakna kalpui tan mek a ni. Kawnpui khua hi 'Buhvum Wildlife Sanctuary' puan fel a nih hunah Wildlife Division tana hmun pawimawh tak a ni dawn a, khawtlang hruaitu leh mipui tawiawmna pawh an dawng tha a, M.Kawnpuiah hian Awarness Campaign neih ani a, Nungcha leh Ramngaw humhalh kawngah theihtawp chhuah mek zel ani a, Tuikhur hnar humhal tur pawhin hma lak mek ani a, VC leh YLA leh NGO dangte nen tangrualin theihtawp chhuah mek zel ani. Forest Department hotute pawh an lawm hle.