EXECUTIVE MEMBER i/c INFORMATION CHANGTU PU T. LALENGMUANA LEH MJA HOTUTE’N INKAWMNA AN NEI.

 

Lawngtlai, January ni 28, 2021 (Ningani): Vawiin khan Lai Autonomous District Council-a Information & Public Relations Department changtu Executive Member Pu T. Lalengmuana leh Mizoram Journalists’ Association (MJA), Lawngtlai District ten Executive Member office chamber-ah inkawmhona an nei.

 

He hunah hian Pu T. Lalengmuana, Executive Member, I&PR chuan tunlai khawvel changkanna-in a kentel ah information leh thuthar thehdarhtute pawimawhna sawiin LADC-ah pawh hmasawnna chi hrang hrang awm te chu chanchinthar lakhawmtu te hmangin mipuiten an hre thin ani ati.

 

Pu T. Lalengmuana chuan LADC Sorkar thar chuan dik leh felfai takin hmasawnna kawng zawh atum ani tih sawiin, Sorkar hmasa pawhin hmasawnna hna tha tak a thawk ani ati a, Sorkar hnalak dan kalphung pawh Chief Executive Member hovin uluk taka enfiaha hmathar lak tum ani ati. Thawhktu indaihlohna  avangin Muster Roll (M/R) te pawh an awm ani ati. Sorkar in sum a indaihlova, heti chung hian Pension Benefit Cheng Nuai 2000 chuang chu thawktu kalchhuakte hnenah a la pek  hram hram ani tih sawiin, CoViD-19 do nan Lai Autonomous District Council chuan Cheng Nuai Sawmkua Pathum leh Singnga a thehchhuak ani ati.

 

Executive Member chuan Local Body Fund pawh dik taka hman tur niin party-ah inthliarna leh inenhranna a awm dawnlo ani tih sawiin hnathawk thalo leh mahni hna ngaihpawimawh lote chu Sorkar-in a enliam dawnlo ani ati. MJA Lawngtlai District te tana hamthatna turin Lai Autonomous District Council chuan grant-in-aid pawh a dahsak ani ati.

 

Mizoram Journalists’ Association aiawhin Pu Lalngheta Ralte, Editor, The Lawngtlai Post chuan lawmthu sawina neiin MJA Lawngtlai District leh District Council te nena inhriatthiamna zau tak a awm chu lawmawm atih thu a sawi a, hemi hnu hian I&PR Executive Member hnenah hian Sash a hlan bawk ani. Pu Lalngheta Ralte chuan Executive Member-in MJA (Print leh electronic media) te a ngaipawimawh chu lawmawm ati a, MJA Welfare & Pension Rules chungchang-ah Bank ten nen pawh inbiakna neih niin hei hi Sorkar pawhin a ngaipawimawh hle ani ati. Hemi hunah hian Press Tour leh Journalists’ Workshop neihdan turte pawh sawiho ani.

 

Executive Member chuan Budget-ah pawh a theih chin chinah advertisement/subscription pawh tihpun tura ruahman ani tih sawiin, MJA Press Tour pawh atam zawka huaihawtsak turin hmalak anih tur thu a sawi a, MJA hruaitute pawhin sorkar thar ah beiseina sang tak an neia, Sorkar nena Lairam hmasawnna hna thawkho turin an inpeih reng ani tih an sawi.

 


Written & published by

Collins Ngurnunchhunga, AIPRO

I&PR – LADC

Post ID – 28012021-1600