INFORMATION & PUBLIC RELATIONS DEPARTMENT,
Lai Autonomous District Council
Lawngtlai.
PR No.25/2023-2024.
Pu C.Hrangthianga E.M. (SYS), LADC chuan,10th North East Air Rifle Shooting Competition neih zawk taka, lawmman late lawmpuina leh Thingpui inpuina hun a hmanpui.
Lawngtlai 7th September.2023: Vawiin khan,10th North East Air Rifle Shooting Competition, Meghalaya (Shillong) a neih zawh taka Mizoram aiawha Lawngtlai District atanga kal Cindy B.Lalchansangi D/o B.Zirchungnunga, Gold Medalist leh Malsawmsangi D/o Lalhlunpuia, Broze medalist-te chu, SYS Department LADC chuan, Pu C.Hrangthianga E.M. Room-ah lawmpuina hun an hmang.
He hunah hian Pu C.Hrangthianga E.M. chuan thusawiin, Rifle Association, Lawngtlai hruaitute chu fakawm atih thu leh a lawmpui thu sawiin, an enkawl Association-te atanga, Mizoram leh State pawnah te lawmman duhawm tak tak an dawng thei chu thil lawmawm tak ani a, thawhhona leh in lungrualna tha tak in nei tih a chianga, hmalam hunah pawh theihtawp an chhuah zel a beisei thu a sawia, vawiin a hlawhtlinna duhawm tak leh lawmman hlu tak rawn hawntute hi kan chhuang tak zet che u a ni, tih thusawiin, SYS Department, LADC chuan theih tawp a chhuahpui zel tur thu sawiin, ti tak tak leh hlawhtlin tum leh beisei awmte tan chuan, an theih ang chinchinah hmalakpui zel an inhuam reng thu asawi bawk.
Vawiin a hlawhtlinna changtute, lawmpuina hun an hmanpuite Cindy B.Lalchansangi leh Malsawmsangi te hian Sub Youth Category-ah Medal hi an la.
Mizoram Rifle Association buatsaih Mizoram State Shooting Championship May, 2023 Aizawl hmuna neihah, Malsawmsangi hian Sub-Youth Category-ah Silver Medal a kap chhuak a. Cindy B.Lalchansangi hian Bronze Medal a lo kap chhuak tawh bawk a ni. Tuna an lawmman dawn bakah hian, kumin November thlaah hian, National Rifle Association buatsaih turah, Cindy B.Lalchansangi leh Malsawmsangi te hi Mizoram aiawhin an feh chhuak leh bawk dawn a ni.
He hunah hian, SYS Department, LADC a thawktute bakah, an chhungte leh Rifle Association, Lawngtlai hruaitu Pu K.Thansiama, President leh Pu Amosa, Joint Secretary te'n an telpui bawk a ni.
Written Published by: I & PR Department LADC Lawngtla
