EXECUTIVE SECRETARY HOVIN ALL HEADS OF DEPARTMENT MEETING NEIH ANI

Lawngtlai, 25^th February, 2020. Vawiin thawhlehni khan LADC Executive Secretary Pu H. Lalramenga hovin LADC hnuaia all heads of departments meeting chu E.S. Office Chamber-ah neih ani. Executive Secretary chuan HoD kalkhawmte chu chibai bukin meeting kohna ngaipawimawha heti zat an kalkhawm thei chu lawmawm a tiin thawhhona tha tak an neih avangin lawmthu a sawi.

Pu H. Lalramenga chuan Principal Accountant General atangin 2018-2019 chhung LADC sum hmandan audit mek anih thu leh audit felfai taka paltlang anih theihnan HoD kalkhawmte chu an Department chan theuhah documernt leh requisition letter te rang taka buatsaih leh thehlut zung zung turin a chah a, audit a felfai chuan LADC tan a zahawmin audit party te tha taka co-operate turin officers kalkhawmte a chah ani.

HoD kalkhawmte pawhin requisition lehkha thenkhat chu Mizoram Sorkar leh District Council kalphung ah in-an lohna thenkhat a awm thin avangin chhanna siamdan lama harsatna awmthei discussion neiin harsantna chinfel dan turte an ngaihtuah bawk ani. Pu H. Lalramenga chuan CAG report chuan LADC tan pawh kawngro nasa takin a su thei ani tiin mahni chan theuh Department te tun aia a felfai theihnan  uluk lehzuala vil leh tan la zual turin officers kalkhawmte a chah bawk ani. Tun dinhmunah hian Lai Autonomous Distrit Council hnuaiah hian Department hrang hrang sawmhnih-pariat a awm mek ani. 

Written by Collins Ngurnunchhunga, AIPRO