Release Date: 2018-08-07 18:30:00

Vawiin (8.8.2018) khan Lai Autonomous District Council Conference Hall-ah Executive Secretary Pu H. Lalramenga hovin LADC hnuaia Officers ten meeting an nei. Pu H. Lalramenga chuan Officer kalkhawmte hnenah LADC Sorkar hnuaiah administration mumal zawka her danglam chhoh zel ani tih sawiin District Council-in hmasawnna rahbi a rap chho mek ani tiin Officers kalkhawmte chu anmahni line theuhvah thahnemngai leh rinawm taka thawk turin a sawm ani. LADC hnuaia Dan chi hrang hrang siam chungchang sawiin tun dinhmunah Law Department kan la neihloh avangin vetting lamah harsatna engemaw neuh neuh ala awm ani ati a, hei hian min ti thuanawp deuh mah se hemi sukiang tur hian District Council pawhin hma a la mek ani, ati. A sawi zelna ah, LADC CEM Pu T. Zakunga hmalakna zarah officers posting, post-upgradation, re-designation leh promotion chungchang ahte State Sorkar zulzuia siamrem mek ani ati. District Council hnuaia organised services - General Service, Technical Service leh Finance & Accounts Service hnuaia post engemawzat chu siamremin siksawi mek ani ati a, hei hi hun lo kal zel tur atana Autonomous District Council anga kan thanlena hma kan sawn chhoh zelna tur ani ati. He hunah hian Pu L.Z. Tluanga, Dy. Secretary, GAD hnen atangin LADC administrative setup-a reforms kal mekte sawizauna leh sawifiahna ngaihthlak niin LADC Finance & Account Service hnuaia hmalakna leh administrative setup hrikhfishna chu Pu Joseph Lalhmingthanga, AAO hnen atangin ngaihthlak ani. Executive Secretary hova vawiina meeting neih ah hian officer te an kal tha hle ani.