LADC EXECUTIVE SECRETARY-IN LADC WESTERN BELT A TLAWH
20th May, 2020:- Pu H. Lalramenga, Executive Secretary, Lai Autonomous District Council chuan nimin 19.5.2020 (Thawhlehni) khan Lawngtlai District LADC huamchhunga western belt khaw engemawzat a tlawh.
Pu H. Lalramenga hian Saizawh, Darnamtlang, Lunghauka, Zochachhuah leh Zorinpui International Border Trade Centre site te tlawhin, India leh Burma inrinna thlenga kalin ramri hrula hripui do na atana VLTF duty te a tlawh ani.
Executive Secretary hian khaw tina VLTF duty te hnenah hian LADC CEM Relief Fund for COVID-19 atangin VLTF leh khawtlang duty ten atul anga an lo ruahman turin tanpuina ei leh intur, face-mask thahnem tak leh pawisa fai te a hlan ani. Khawtlang hruaitute leh VLTF te chuan a hnenah hian an harsatna leh mamawh te thlenin Executive Secretary chuan a theih chin chinah hmalakpui turin leh thuneitu sang zawkah a thlensak ang ati. Khawchin in a zirloh avangin khaw engemawzat tlawh theihloh ani a, hun remchang danga tlawh leh tura ruahman ani. Executive Secretary chuan VLTF duty te chu a sur a sa pawh dawn lova, kan ram kan himna atana rim taka an lo duty na-ah lawmthu sawiin tun hripui leng karah vei la awmlo mah ila, ralmuan ngawt chi a nilo tiin border area lama khua te pawimawhzia hre reng chunga tlawmngaia lo duty chhunzawm hram turin leh Sorkar pawhin chhawmdawlna atheih chin chinah chhawmdawlna a ngaihtuah sak zel dawna, a ngaipawimawh em em ani ati.
Executive Secretary hi Pu Collins Ngurnunchhunga, AIPRO leh Pu C. Malsawmkima, A/E PWD (Planning) leh official ten tawiawmin, Local Cable TV atangin KT Vision ten an tawiawm bawk ani.
Written by Collins Ngurnunchhunga, AIPRO
