Vawiin chawhnu khan LADC Executive Secretary leh Lawngtlaia Bank hrang hranga Manager te an inkawm.
He inkawmna hi Pu H. Lalramenga, Executive Secretary, Lai Autonomous District Council office chamber-ah neih ani a, hetah hian Lawngtlai khawpui chhunga Bank hrang hrang hotute an tel kim hle.
Inkawmhona ah hian LADC hnuaia employee ten loan recovery (EMI) chungchanga harsatna an tawh thin te, loan pukna interest rate fluctuate chungchang te, pension hnua pension benefit atanga loan rulh chhunzawm ngai awm thin te leh, NPA account chungchang te sawiho ani a, meeting chuan tun atanga chuan LADC employee te tana awlsam leh zangkhai zawka loan chungchangah harsatna an tawh tawhlo nan thu engemawzat rel ani a, hmalakna tha zawk leh loan chungchanga buaina tamtak awm thin pawh a tihkiandan tur sawiho ani.
LADC atangin Pu LZ. Tluanga, Dy. Secretary (GAD), Pu B. Lalhmingmuana Dy. Secretary (Finance), Pu B. Lalhnuna Under Secretary (GAD) leh LADC Finance & Accounts Department atangin officers engemazat an tel bawk ani.
Written by
Collins Ngurnunchhunga
AI&PRO
