Release Date: 2018-04-18 18:30:00

PU LR. DINGLIANA CHINZAH DEPUTY CHAIRMAN LADC IN GOVERNMENT PRIMARY SCHOOL-II BUILDING SAK THAR A HAWNG Vawiin April, ni 19, 2018 (Ningani) khan Pu LR. Dingliana Chinzah Deputy Chairman LADC-in Lawngtlai AOC Venga Govt' Primary School-II Building sak thar a hawng. A hawnna hun tawite buatsaih ah Khuallian Pu LR. Dingliana Chinzah chuan thu sawiin, zirtirtute hi naupangte puitlinna turah kan mawhphurhna a sang hle a, chutiang tur chuan kan inbuatsaih a ngai a ni ati a, zirna in hma a sawn zel theihna turin kan tan ho a ngaia, vawiina khawtlang nu leh pa kalkhawm te pawhin zirna hi kan vei tak tak a ngaiin, veng dang leh khaw dang kan el ve phakna tur chu zirna hi ani tih i hre thar leh ang u a ti. Khuallian chuan AOC Vengchhunga sawrkar hmalakna hrang hrang sawi langin, vawiin ah school building thar hawn a ni a, Health Clinic Center hawn a ni leh tawh bawk a, tun atanga reiloteah Aganwadi pawh building hawn ani leh dawn tih sawiin tun dinhmunah mamawh ang zawng zawng intihsak vek thei rihlo mah ila, Sorkar in hma ala mek zel a ni ati. School in sak thar hawnnaah hian khawtlang hruaitute, Zirtirtute leh nu leh pa engemawzat an kalkhawm a, tun dinhmunah he sikulah hian Zirtirtu pasarih an thawk mek a ni. 19042018-1400 This is a free-to-share Government information and available on our official website