Release Date: 2018-05-29 18:30:00

Opening of Green LADC Day 2018 LADC chu CEMO tualzawl ah date 8th June, 2018 (Friday) hian neih tur ani a, a hun hi dar 10:00AM niin Chief Executive Member i/c, Pu C. Lalneihkhuma, Executive Member, Education (P/S) etc. in hawnna a nei dawn ani. Green LADC Day 2018 hian LADC hnuaia Department zawng zawngte, LADC Division hrang hrang - Sangau, Bualpui, Diltlang leh Bungtlang ahte pawh hemi ni hi hmang theuh tur ania, an remchanna hmunah theuh phun ve tur ani. MJA, CYLA, Central LIKBKTP hruaitute leh Middle School leh Primary School te nen mass planting neih tur niin, Primary leh Middle School te chuan an School compund ah theuh an phun ang. Thingtiak phuntur chu Environment, Forest & Climate Chang Department, LADC in a ngaihtuah fel dawn ani.  Thingphunna hmun tur hi Mampui road, 2017 lama Green LADC Day thingphunna hmun atanga a hmalam zela phun tur ani. Thing phun turin Department tinte Group-a thenhrang vek ni tawhin, an thingtiak (saplings) phuntur zat nen ruahmanfel ani tawh.  Head of Department tin ten mahni Department Officers leh Staff-te kalna tur ngaihtuahfelk tura ngen an niin kalna neilo te tan Bus pakhat a awm dawn bawk ani. Refreshment atan Group tinah Cheng 3,000/- theuh niin, Central LIKBK leh CYLA te tan Cheng 5,000/- theuh ruahman ani. Green LADC Day a thingphun te Department tin ten kumkhatah vawi hnih tal thlawhfai (weeding) theuh tur ani a, an thingphun zat, an enkawl nun zat leh thlawhfai dan enzui niin lawmman siamsak an ni dawn ani.  Published by Collins Ngurnunchhunga Asst. Information & Public Relations Officer 30052018-1200