PR No.19/2024-2025.

LAWNGTLAI, May 7, 2024 - Lai Autonomous District Council hnuaia thawktute chuan, Green LADC Day  pualin KMTTP Road-ah Thingtiak thahnem tak an phun.

Thingphun tan hmain, LADC Office Complex-ah inkhawm tawi buatsaih a ni a, he hunah hian, Pu C. Lalmuanthanga, Chief Executive Member, LADC  chu khuallian niin thusawina hun a hmang.

Chief Executive member, Pu C.Lalmuanthanga chuan,  Green LADC Day 2024 kan hmang leh thei  hi ka lawm hle a, LADC hnuaia thawktu zawng zawngte chungah lawmthu ka sawi a ni, a ti.

Pu C. Lalmuanthanga, CEM chuan, Pathian hruaina in kumin 2024 Green LADC Day chu kan lo thleng leh ta a. 1st August, 2014 khan Lai Autonomous District Council huam chhunga ramngaw chereu mek zel do let na atana hma la turin 'Green LADC Committee' chu din a ni a. Green LADC Day hi kum 2015 atangin Mass Planting neia hman tan ani tawh, Green LADC Day-ah hian Lai Autonomous District Council hnuaia Department, NGO's, Kohhran leh Pawl hrang hrang te'n Thingtiak kan phun thin a. Kumin hi Green LADC Day kum 10 kan hmanna a lo ni ta reng mai. Tunah chuan LADC anga programme pawimawh tak a lo ni chho ta a, Green LADC Day-a kan hmalakna a hlawhtling chho meka, KMMTP Road leh Mampui kawnga kan Thingphun te hmuh hian a hlimawmin, khualzin vei vak tan a nuam em em tawh a ni. Hei hì LADC achievement ropui tak ani tih hriain, vawiina thing kan phun turte pawh nung ngei turin uluk taka phun theuh turin a chah a. Green LADC programme hnuaia Thingtiak kan phun tawh zawng zawng hi thingtiak 2772 a ni tawh a. Vawiin-ah pawh hian thingtiak 327 kan phun leh dawn a ni, a ti.

Tunlai khawvel thiamna leh finna sang zelah kan ramin chak takin hma a sawn ve zel a. Sorkar hmalakna hnuaiah inkalpawhna kawngpui tha leh Development Infrastructure nasa takin a lo pung chho zel a. Hmasawnna lo kal mek hi ramngaw awmsa te hian an tuar a ngai fo thin a. Tin, population lo pung chho zel leh khawpui lo thang zel avang pawhin kan ramngaw-te kan nawr tawm ve zel a, heng avang hian atam thei ang ber thing kan phun a, hlawhtling ngei tura kan enkawl chhunzawm a pawimawh hle a ni.

Tin, Global Warming leh Climate Change avangin a kum telin khawvel a lum tial tial a, thal khua a lo ro a, nasa takin ram a kang thin bawk a. Kan boruak a thianghlim lo tial tial a, kan tui hnate a kang chat mek zel a, tui thianghlim hman turah harsatna kan tawk chho mek zel bawk a ni.

Heng avang hian kan ramngaw awm chhunte kan humhalh a, a tam thei ang bera thing kan phun belh hi kan tih makmawh a lo ni ta a ni. Tin, Thingtiak phun ringawt hi a tawk lova, Pledge-taking a kan intiam ang khan, a enkawl zuina kawngah mawh kan phur theuh a ni tih kan hre reng anga, Department hrang hrangte pawhin kan Thingphunte tha taka enkawl zui a ngaihven chhunzam theuh turin thu a chah a ni.

He inkhawm hi, Pu K. Lalthanzara Executive Secretary, LADC chuan kaihruaiin, Thutiam ( Pledge) sawirualna hun hman a ni a, Pu K. Lalromawia, DCCF leh Green LADC  Committee Secretary ni bawk chuan Report pein, hriattur pawimawh te puanzarna hun a hmang bawk, chumi hnuin thingphunna hmun tur pan nghal ani a. Green LADC Day-hi Pu C. Lalmuanthanga, CEM, Pu VL. Hmuaka, Chairman LADC leh Executive Members, MDC leh LADC hnuaia thawktute leh MJA Lawngtlai te'n thing hi an phun a ni.

Written & Published by:I & PR Department LADC Lawngtlai.