Zirtawpni, July ni 3, 2020: COVID-19 hrileng avanga punkhawm a rem tawhloh avangin a nawlpuia thingphun hnatlang kum tina neih thin Green LADC Day chu kumin ah neih a ni lo. Amaherawhchu hemi ni hriatrengnan hian Chief Executive Member Pu T. Zakunga hovin Lairam Christian Medical Centre & Hospital complex-ah vawiin khan thing phun ani. CEM chuan thing phun chu a that rualin a puitlin ngei theihnana enkawlzui pawh a phun tlukin a pawimawh ani ati a, thil ho te anga lang ni mah se a pawimhzia kan in zirtira kan hriat angai ani ati. Thing hi office holders te leh Executive Secretary Pu H. Lalramenga te pawhin an phun bawk ani. 

Thingphun tur tehi LADC Envorinment, Forest & Climate Change Department-in tumsakin heng thing tehi Ashoka Thing ani a, a hungna pawh Department in tha takin an siam a, LADC hnuaia Department te pawhin an remchan dan angin nikum lama mahni Department theuh thingphunna hmun samfai leh hungthat hna an nei dawn ani. 

Vawiin Green LADC Day thingphunna ah hian LCMC & Hospital hotute pawhin an phun bawk ani.

Written by

Collins Ngurnunchhuna, AIPRO

Photos - PC. Chuaudinga

I & P R - LADC

Post ID 03072020-1600

Written by Collins Ngurnunchhuna AIPRO

Photos PC. Chuaudinga

GREEN LADC DAY PUALIN THINGPHUN ANI