HEADS OF DEPARTMENTS TEN THING PHUN
Thawhlehni, July ni 14, 2020 : Kumtina neih thin Green LADC Day chu COVID-19 hrileng avanga neih theih anih takloh avangin Environment, Climate Change & Forest Department, LADC ruahmanna hnuaiah Department tinte aiawhin vawiin khan District Council Executive Secretariat hualvelin Heads of Departments ten thing an phun.
Thingphun tanna ah hian Pu H. Lalramenga, Executive Secretary chuan thutawi sawiin, Thingphun pawimawhzia a sawia, chu mai bakah sulhnu hriatreng tlak leh daihlim hahchawlhna kan siam dawn ani tiin, phun ringawt duhtawklova, puitling ngei tura enkawl chhunzawm theuh turin Department hotute a chah bawk ani. Executive Secretary chuan Environment, Climate Change & Forest Department ten hetiang ruahmanna siam nachang an hria chu lawmawm atih thu a sawi bawk. Vawiin ah hian Thingtiak 18 phun ani.
Tuntum hi Green LADC Day puala thingphun vawihnihna niin tunthla tir July ni 3 zirtawpni khan LADC Executive office holders ten Chief Executive Member Pu T. Zakunga leh LCMC Hospital Chaplain hovin Hospital Complex ah thing engemawzat an lo phun tawh bawk ani.
Written by Collins Ngurnunchhunga AIPRO
Photos Chuaudinga
