Lawngtlai, February 27, 2019:- Art & Culture Department, Lai Autonomous District Council leh Central Young Lai Association tangkawp ina buatsaih Laifate Kut ropui ber "Hlukhla" chu vawiin khan Chawnhu Field ah ropui taka hman ani.
Hlukhla 2019 ah hian Pu T. Zakunga, Chief executive Member, LADC chu Kut Pa niin Pu L. Lawmkima, Executive Member, Art & Culture Department LADC chu Kut thlengtu ani. Kut Pa Pu T. Zakunga chuan Hlukhla hman theihna tura tha leh zung, sum leh pai tamtak sengtu Art & Culture Department LADC leh Central Young Lai Association te chungah LADC Sorkar aiawhin lawmthu sawiin, he hun lawmawm tak min hruai thlengtu Pathian hnenah lawmthu a sawi ani.
CEM chuan Hlukhla kut hian hmun hrang hranga Laifa awmte inpumkhatna leh inunauna nghet lehzual thlentu ni se a duh thu a sawi a, political boundary-in Laifate ram hrang hrangah min thenhrang mah se, Laifate chu inpumkhata kan awm tlat chuan kan chak anga, kan thangchho anga, hma kan sawn ngei ang tiin, Bangladesh, Myanmar leh ramchhung hmun hrang hrang atanga Hlukhla chhim tura lo kalte chu lawmin Hlukhla kut hlim taka hmang turin duhsakna a hlan ani.
Hlukhla ni khatna vawiina hman ah hian ramchhung leh pawn atanga cultural troupe rawn kalte atangin Hnam lam chi hrang hrang entir a ni a, Lawngtlai khawpui chhunga Branch YLA hrang hrangte atangin cultural items chi hrang hrang, lam leh zai te entir ani bawk. Naktuk ni 28 hian Hlukhka ni-hnihna leh a tawpna hman leh ani ang.
Written & published by Collins Ngurnunchhunga, AI&RO
