HORTICULTURE EXHIBITION 2019 PU LZ. TLUANGA DY. SECRETARY LADC IN A HMANPUI
Ningani, February ni 6, 2019:- Ni thum awh, February ni 5 atanga tan, Lawngtlai Horticulture Division leh Lawngtlai Florists’ Association te tangkawp ina an buatsaih Horticulture Exhibition 2019 LADC Conference Hall, Lawngtlaia neih chu vawiin khan khar ani.
Exhibition kharna hun hi Pu C. Lianluaia, Divisional Horticulture Officer chuan kaihhruaiin hun a hawng a, exhibition kharna huna kalkhawmte chu lo lawmin, tluang taka exhibition neihzawh theih ani chu lawmawm atih thu a sawi.
He hunah hian khuallian Pu LZ. Tluanga chuan thu sawiin Horticulture Division leh Lawngtlai Florist’ Association ten hetiang exhibition mit tlai leh tha tak an buatsaih chu lawmawm ati a, tih tak takna nena thawktuten an thawhchhuah an tarlang chu lawmawm ati a, hetianga a thiam leh hre hmasa zawkte thiltih chu midangten entawn nachang hriain kawng hrang hrangah hma min sawntir tu ni thei se ati a. Khuallian chuan Florists’ Association te chu fakawm a tiin kan Lawngtlai khawpui lo ti mawia, midangte pawh zirtir ve zel turin a fuih ani. A sawi zelna ah kan rama tualto thing leh mau, thei leh pangpar tehi kan ram leilung, sik leh sa milin Pathianin min dahsak ani a, kan ram ah hian khawvel hmun danga awm ve miahlote thing leh thei, pangpar te kan neih a rin thu sawiin, heng tehi zawnchhuaha tihlar leh chawisan lehzual angai ani tiin hemi lama hma la zel turin Horticulture Division te chu a chah a, hetiang huntha hi buatsaih fo turin a chah a, lawmthu a hrilh bawk ani.
Horticulture Exhibition neihchhung hian thlai leh thei, pangpar chi hrang hrang entirna neih ani a, exhibition hi mi 700 velin an tlawh ni a hriat ani.
Written by Collins Ngurnunchhunga
AI&PRO
