PR. No.51/2024-2025.

Lawngtlai, 2024 Hniang 10 : Zinglei suimilaam 11:00 ah 1st Conference of the Autonomous Council's under the Sixth Schedule to the Constitution of India cu, The Heritage Club Tripura Castle, Shillong ah tuah a si.

Hi caan ah hin Pu C. Lalmuanthanga, Chief Executive Member, LADC nih biachim in, Khasi Hills Autonomous District nih hi bantuk caan sunglawi an tuah hi lunglawmh awk ngai a si. Khual an kan dawtning hi a sunglawi ngaingai. Cun hi bantuk caan hmang kho dingin hramthawktu Tripura Tribal Areas Autonomous District Council le Bodoland Territorial Council hruaitu hna cung ah lunglawmhbia ka chim. India Nort East ah ADC nih lungrual tein kar kan hlaannak ah nan i pechan dih cio, lungrual in kan tanrual caah kan hlawhtlin ka zumh, tiah a chim.

Nihin i tonnak ah a rak i tel kho mi hna hi Tribal mi kan si dih, kan umnak cio ah harnak fakpi kan ton cio, cu kan harsatnak in luat khawh ding kan i ruahchan, kan thiltuahmi hi zeitiang a rauh lai kan hngal lo, asinain, kan Right, kan Fight nak ah hin biakhat tlai in kan tanrual a herh, "Action with one Voice and Unity" ti tlangtar hmang in lungrual te'n kaar kan hlang zungzal hna lai, tiah meeting ah aa telmi dihlak kan sawm hna, tiah a chim.

Hi meeting ah hin India Nort East State ah Autonomous District Council hruaitu hna an tling dih. Dirhmun sang deuh ah chiah khawhnak ding le thil biapi an ceih. Hi meeting dih zaanlei suimilaam 3:30 ah Rev. J.J. Mohan Nichols Roy Statue onnak ah an i tel colh, Deputy Chief Minister, Government of Meghalaya nih a tuahmi zaanriah cu Vivanta Hotel ah an ei hna.

Hi i tonnak ah Lai Autonomous District lei in Pu C Lalmuanthanga CEM, Pu Lalropuia Cinzah EM, Pu HC Lalthawmliana EM, Pu H Lalmuansanga Dy.Chairman hna an i tel.

Written & Published by; I &PR Department LADC Lawngtlai.