Release Date: 2018-05-31 18:30:00

Lawngtlai District atanga Infiamna discipline hrang hranga titha infiammi te hnenah incentive cash award hlan ani. Lai Autonomous District Council, Sports & Youth Services Department buatsaih,  Incentive Cash Award to Sportsperson 2018 distribution chu SYS Department LADC General Room ah May ni 30, 2018 (Ningani) khan neih ani. He hun hi Pu Thathluna Chinzah, DCSYO in kaihruaiin, Pu C. Lallungmuana, Executive Member, Sports & Youth Services Department, LADC in hun a hmanpui in, official engemawzat in an telpui bawk ani. He hunah hian Pu Thathluna Chinzah, DCSYO leh Pu C. Lallungmuana, E.M. Sports ten thu sawiin, sportsperson kalkhawmte chu an tuina discipline ah tan la sauh sauh turin leh zu leh ruihtheihthil laka  fihlim turin an chah a, state level mai nilo, national leh international level ah pawh hlawhtling chho zel turin fuihna leh duhsakna thu an chah ani. Infiammi cash award pek tehi an vaiin mi 58 niin, an lawmman dawn belhkhawm hi Cheng Nuaikhat ani.