INFORMATION PUBLIC RELATIONS DEPARTMENT
Lai Autonomous District Council Lawngtlai
PR No.91/2021- 2022.
CEM IN LADC HNATHAWH MEK THENKHAT A HMUNAH A TLAWH.
Lawngtlai, 16th February, 2022: Nimin chawhnu khan Pu V.Zirsanga,Chief Executive Member,LADC chuan Ladc hnuaia hnathawh mek thekhat; Feacal Sludge Treatment Plant, Phaikhang mual, XV Finance Commission sum atanga thawh mek, Lawngtlai khawpui bawlhhlawh paihna hmun tur leh Lawngtlai khawpuiin Thlanmual intawm (Common Cemetary) tur buatsaih mekte chu ahmunah kalchilhin,hmalak tawh chin leh hmabak la awmte a en a, hmalak zelna tura pawimawh te pawh a mawhphurtu Department te nen an sawiho nghal bawk.
Pu K.Lalthanzara, Sr.Revenue Officer chuan ram awmdan leh an hmalak tawh chinte Report a pe a. Pu Malsawmtluanga Hlawnchhing, EE chuan Technical report pein, an hnathawh chin leh hmabak an neihte pawh chipchiar takin a sawifiah a, harsatna an neihte pawh CEM hnenah hian anthlen nghal bawk a ni.
Pu V.Zirsanga, CEM chuan hnathawktu te inpekna leh an thawhrimna chu fakin lawmthu a sawia,theihtawp chhuah chhunzawm zel tura fuihin; an harsatnate pawh ngaihtuahsak a, a theih chin chinah,chinfel sak zel an ni ang tih a sawi bawk. Lawngtlai khawpui chhunga veng hrang hrang VC leh Association hruaitu te nen thawhhona tha tak an neih thin a vangin lawmthu sawi bawk a ni.
Pu V.Zirsanga, hi Pu C.Rongura, EM LAD, Pu Lalropuia Chinzah, EM, Agri, Pu C.Hrangtiang,a EM, Rev. leh Official atangin Pu K.Lalthanzara SRO. Pu David.Zothantluanga RO(HQ) Pu Malsawmtluanga Hlawnchhing EE PWD ten zuiin an tawiawm a ni.
Written & Published by: I& PRO, LADC Lawngtlai.
