KUM 2020 ATANA INHLANTHARNA NEIH ANI
January ni 9, 2020, Ningani.
Vawiin khan kumthar 2020 atana Pathian hnena inhlanna chu Lai Autonomous District Council in a hmang.
Inhlantharna programme hi District Council Complex, CEM Office kawtzawahl neih niin Pu H. Lalramenga, Executive Secretary chuan hun a kaihruai a, Sorkar hnathawk te, a bik takin District Council hnuaia thawktute vanneihzia sawiin hemi hre reng chung hian Council thanlenna leh mawi lehzual theihnan taima leh mahni hnaa rinawm lehzuala thawk turin thawktute a fuih bawk ani. Rev. B. Zazawna Lai, General Secretary, LIKBK chuan hunserh hmangin a huhova ding chunga inhlanthar tawngtai rualna neih ani.
Pu T. Zakunga, Chief Executive Member chuan thawktu kalkhawmte chu kumthar chibai bukin thawktute zingah kumhlui 2019 chhungin thawktu sawmpali (14) lai nunna chan an awm tih sawiin pawi a tiin a ui thui a sawi a, hetih rual hian mi sawmthum pali (34) lai mai pension-a an chhuah thu a sawi tel bawk ani. CEM chuan kum 2019 chhung khan District Council chuan kawng hrang hranga hma asawn thu sawiin chung zinga langsar zual ah chuan Lai Customary Law gazette chungchang ahte, GIA/Fund Rules thar nikum atanga kan hmang thei te, leh New Pension Scheme kan hmang thei ta te chu lawmawm atih thu a sawi a, tanrual hi chakna ani tih sawiin kan tanho chuan Lairam hi a danglam ngei ang ati. Office rawn dawrtute tana biak nuam leh hawihhawm taka awm tura chahin, beidawnga tumah siam lo hram turin a chah a, nikum aia thawhhona tha lehzual kan neih theihnan thawktu zawng zawngte chu mahni hmazawn hna theuhah tan la lehzual turin CEM chuan kalkhawmte chu a chah bawk ani.
Inhlantharna hunah hian office holders, officers leh staff te an kal tha hle ani.
