INFORMATION & PUBLIC RELATIONS DEPARTMENT.

LAI AUTONOMOUS DISTRICT COUNCIL LAWNGTLAI.

PR No.74/2022-2023.

Date: 18^th January, 2023

Lai Autonomous District council Office chuan kumthar  atan inhlantharna hun an hmang

Lawngtlai,18th.Jan,2023:-    Vawiin khan LADC chuan Kum 2023 atan LADC hnuaia thawktu zawng zawngte tan inhlan tharna hun, CEM Office Building tualah an hmanga. Pu V. Zirsanga, Chief Executive Member chuan hmanpuiin thu a sawi.

Pu V. Zirsanga CEM chuan, kum 2023 kumthar min hruai thlengtu Pathian hnenah lawmthu ka sawia, chutih rual chuan, Kum 2022 chhungkhan kan thawktu mi 23 laiin min boralsana kan ui tak zeta, an kalsan tak anchhungte pawh kan hrerenga, kan  tuarpui tak zeta a ni, hei bakah mi 32 te pensionin an chhhuak bawka, LADC Officeah Ram leh hnam tan theih tawpchhuahin rim taka lo thawk tawhte anni a, anchungah lawmthu ka sawi bawk a ni, a ti.

Pu V. Zirsanga CEM chuan, Kum 2022 kha LADC  tan chhinchhiah tlak tak a ni a, Golden Jubilee ropui takin kan lawm thei kha a lawmawm takzet a, kan hruaitute leh thawktute thawhrimna avangin hmasawnna hrang hrang kan hmu a, Zirtirtu hnalak turah pawh a thiam leh tlingte lak an nih theih nan tiin, Competitive exam kaltlanga  lak tan anni a, Dan siam kawngah nasa taka tan lak niin hnathawktute hamthatna tur Service Rules pawh siam thar a ni a, chutih rualin harsatna hrang hrang pawh kan tawk ve bawka, kan ram thenawmah Ram buai avangin kan Unau  raltlan engnge mawzat kan dawngsawnga, NGO leh Kohhran angte a chechhuakin kan hruaitute pawhin theih tawp an chhuah thin bawka, a lawmawm hle a hmalak chhunzawm pawh ala tul dawn in alang bawk.

Sawi chhunzawm zelin, LADC kan neih theihna tura sul lo sutu kan mi hmasate kha an chhuanawm a, Ram leh hnam tana an thawhrimna leh inpeknaah zahna chibai kan buka, keini hnam tlemte in LADC Sorkar kan neive thei mai hi alawmawm tak zeta, Pathian hnenah lawmthu sawi ila, kan ram leh hnam tan hian he Kumtharah pawh hian inpekna thar nen theih tawp chhuah zel ang u, Sawrkar Office a thawk kan nih chuan, dan leh hrai nei kan ni tih hi kan inhriat atha khawp mai, Conduct Rules nei kan ni a, kan tih tur leh tih loh tur chin kan thliar thiam atul hle, i fimkhur deuh teh ang u, Dan hriat loh hi chhuanlam a tling lova, kan tih tur chin hi kan thliarthiam tur a ni, kan hnathawh  a in ang vek lova, enghna pawh thawk ila, kan hna theuha kan rinawm theuh a ngaia ti chuan kan hnathawh chu eng pawh nise, hna zahawm a lo ni mai dawn a ni, LADC hnuaia thawktute zingah  hian Office Manner/ Etiquette hi kan Dept theuhah hian in hrilh hriat leh a tha khawp mai, kan Office hi a lo zahawma inpumkhatna tha zawk kan neih nan hawihhawm  tak leh inzah tawnna nen i thawkho thin ang u, a ti.

Pu V. Zirsanga CEM chuan, he Kumtharah hian tan ila thar zel ang u, kan Office kai hun chhung tur sawrkarin min ruahman sak hi i zawm hram hram ang u, Office kai hunchhungah min dawr duhtute beidawngin i siam lo hram hram ang u, hnathawh tur kan nei reng lo pawh a ni thei, kan thutna a kan thut hian   midangte tanpuitu kan ni thei a, Office dawrtute zingah hian, mifel leh fing tak tak an awm laiin, thil chinchang hre lo leh mi harsa tak tak pawh an awm  thin a, chungte chu kan en hrang tur a ni lo, kan lo tanpui thin tur ani, ram leh hnam tana thawk kan ni tih inhre reng ang u, Kum 2023 LADC hnuaia thawk zawng zawngte kumthar chibai ka buk che u a ni, a ti.

He hun hi, Pu H.Lalruatkima Executive Secretary LADC chuan kaihruiin,  Rev.V. Suikharliana chuan hunserh a hmanga, tawngtai rualna neih a ni bawk.

He inhlanna hun hmannah hian, Pu VL Hmuaka Chairman LADC, Executive members leh LADC hnuaia thawktute antel tha hle a ni.

Written & Published by 

I&PR Department, LADC, 

Lawngtlai.