Release Date: 1970-01-01 00:00:00

LAI AUTONOMOUS DISTRICT COUNCIL-IN OFFICE KHAR :- Vawiin December ni 20 khan kum 2017 atan Lai Autonomous District Council chuan office an khar. Kumtawp Office kharna leh Pathian hnena inhlanna hun hi mahni Department ah theuh hunserh hmanga neih ani. GAD chuan CEM Conference Hall-ah hmangin, hetah hian CEM Pu T. Zakunga chuan thu sawiin, Krismas hi keini Kristian te tan chuan kan nghahhlelh ber leh kan inpuahchah nasat ber hun a nih angin nuam tak leh hlim taka hmang theuh turin staff kalkhawmte duhsakna a hlan. Ram leh Hnam hmasawnna tur in hnathawktute kan tanruala, taima taka kan thawh chuan hma kan sawn anga, kan ram hmel hi kan tidanglam ngei ang ati. Kumthar 2017-a office kal bul tanna hi kan ngai pawimawh hle tur a ni a, harsatna liantham kan nei anih loh chuan office tan ni ngaihpawimawh theuh turin a chah bawk. Lai tawng chungchang sawiin CEM chuan office chawlh chhungin pawha inlama zir chhunzawm zel turin leh nakum office tan leh hunah chuan thiam ve ngei tawh turin leh uar lehzuala hmang turin a chah bawka, staff kalkhawm te chu Krismas leh Kumthar hun te hlim leh dam taka hmang turin duhsakna a hlan bawk.