INFORMATION & PUBLIC RELATIONS DEPARTMENT.
Lai Autonomous District Council, Lawngtlai.
PR No. 26/2023-2024.
LADC Adult Education Wing buatsaihin International Literacy Day hman ani.
Lawngtlai Dt.8.9.2023: Rev. Thanzinga Memorial Middle School, Chawnhu-ah vawiin khan, International Literacy Day, LADC Adult Education Wing buatsaihin hman a ni a, Pu Andrew Laltlanzara, E.M. M/S, LADC chuan khuallian niin a hmanpui.
Pu Andrew Laltlanzara, E.M. M/S, LADC chuan thusawiin, International Literacy Day hi kum 1966 atang a hman tan a lo ni tawh a, vawiin a hetiang programme hman anih theihna tura ruahmanna siamtute chungah lawmthu a sawi a, kum 2011 Mizoram chhiarpuiah khan, ziak leh chhiar thiam tehnaah Mizoram chu pathumna (3) kan ni a, 91.58% kan ni. Mizoram-ah chuan Serchhip District chu ziak leh chhiar thiamna lamah pakhatna an ni a, Lawngtlai District hi a hniam ber kan ni, tan kan lak a ngai hle a, kan hniamna chhan hi chhuanlam tur tam tak awm mahse, tun ai hian zirna kawngah tan kan lak a ngai hle tih a chiang a. Zirtirtute pawh in mawh kan phur a ni tih hi kan pawm ngam a ngai a, hlawhlakna atan chauha thawktu rilru pu pawh a awm theiha, chuvangin, zirna kawnga hma kan sawn theih nan theihtawp chhuah thar leh turin tan la thar leh ila, puitling ziak leh chhiar thiam lo te'n ziak-leh-chhiar an thiam theih nan, LADC Adult Education Wing chuan hma ala thin a, ziak leh chhiar thiam tlemna thingtlang khuaah te pawh zirtirna pe turin Instructor engemaw zat chhawr mek a nih thu sawiin, zirtirtu thenkhat aikal chhawr ching kan awm thin hi a pawi hle a, hetiang mite hian an sim pawh atha a, khawtlang pawhin hetiang tihchingte hi kan dem ngam pawh a hun ta hle ani. Khawvel hmasawnna chak taka a kal mek lai hian, kan ram leh hnam tan hian theih tawp i chhuah tlang ang u, a ti.
He hun hi Pu C.Sangthanzuala, DCAEO, LADC chuan kaihruaiin, Pu C.Lalthlamuana, Asst. Professor, Govt. Lawngtlai College pawhin Adult Education kalphung leh a pawimawhna chungchang sawiin fuihna thu tha tak tak a sawia, Nl. Lalhriatpuii, College Veng leh Nl. Lalzawmpuii Hrahsel, Chandmari Lawngtlai zaithiamte zai ngaihthlak a ni bawk.
Pu F. Lalhmachhuana, EEO M/S, LADC chuan kalkhawmte hnenah lawmthu sawina hun a hmang bawk.
Written & Published by: I & PR Department LADC Lawngtlai
