Release Date: 1970-01-01 00:00:00

LADC BUDGET SESSION ZAWH ANI. KUM 2016-17 ATAN CHENG NUAI 11883.97 PASSED ANI. March Ni 29 atanga tan Lai Autonomous District Council Budget Session, LADC Session Hall Lawngtlai-a neih chu date 5.4.2015 khan Chairman Pu V. Zirsanga'n tiamchin awm lovin a titawp. LADC Budget Session ah hian CEM Pu VL. Hmuaka putluh LADC Budget 2016-17 tur Cheng Nuai 11883.97 chu sawiho anih hnu ah voice vote a pawm ani. Kum 2016-17 atana Budget hi Non-Plan ah Cheng Nuai 8685.51 niin, Plan atan Cheng Nuai 3083.46 ani a, District Council-ina a thawhchhuah ve tur local revenue atan Cheng Nuai 144 beisei bawk ani. Budget Session chhung hian Member te hnen atanga Zawhna lut 14 chu chhankim vek ani a, private Member resolution pakhat a lut bawk. Session ah hian Deputy Chairman atan Congress MDC, Sakeilui Bial atanga thlantlin Pu Suresh Chakma chu thlantlin a ni. Law & Judicial changtu Pu H. Chhuanawma, Executive Member putluh ‘The Lai Autonomous District Council (Group A, B, C & D Posts) Recruitment Rules 2014 (First Amendment Bill 2016) chu sawiho anih hnu ah pawm ani bawk.