Release Date: 2018-03-28 18:30:00

LADC BUDGET SEEION TAN A NI Vawiin chawhma dar 10:30 AM khan kum 2018-2019 atana Lai Autonomous District Council Budget Session chu Pu V. Zirsanga, Chairman, LADC kaihhruaina hnuai-ah tan a ni. Budget Session tanna-ah hian Chairman Pu V. Zirsanga chuan member te hnenah Session an ngaipawimawh avanga lawmthu sawiin session neih chhunga taima tak leh thahnemngai taka rorel turin a ngen a. Session Hall-ah tawngkam leh chetdan mawi taka hmang turin member te a ngen nghal bawk. LADC  a Chief Executive Member,  Pu. T. Zakunga,  House leader ni bawk in kum 2018-2019 chhung a tana Lai Autonomous District Council Budget ruahman a pharh a, hemi hnu hian Chairman Pu V. Zirsanga kaihhruaina in kumin chhunga Lai Autonomous District Council member lo ni tawh, boral ta mi Pathum, Pu Lalbiakthanga, Pu L. Chinzah leh Pu B. Thanchunga te sunna hun hman a ni. Kum 2018-2019 LADC Budget atan hian 02-GSFC Award ah Nuai 11,213.65 01-GIA to LADC ah Nuai 3,401.05 Local Revenue-ah Nuai 180.00 niin, a pumpuiah Cheng Nuai 14,794.70/- ruahman a ni a, kum hmasa aiin Budget punna hi cheng Nuai 1435.03 ani. Tuntum LADC Budget Session-ah hian Internal Audit Wing nei tura ruahman anih thu te, LADC hnuaia thawktu te tan In-service training mumal leh tha zawka neih tura ruahmanna siam anih thu bakah BudgetSession hnuhnungber-a house in alo pawm tawh MDC Area Development Fund chu a let a  tihpun tura ruahman anih bakah MDC Discritionary fund pawh dahthar anih thu House Leader, Pu T. Zakunga, CEM chuan member te a hrilh bawk. Session nikhatna hi Lai Autonomous District Council-a MDC lo ni tawh mi pathum te sunna atan chawhnu dar 1:00 PM ah Chairman in titawpin, April 2, 2018 chawhma dar 10:30 AM atangin chhunzawm leh a ni ang a, April 4, 2018 thleng a awh ang Tuntum Budget Session-ah hian zawhna, Starred question Pakua leh Un-starred question pahnih a lut a ni.