Release Date: 2018-04-03 18:30:00

March ni 29 atanga tan, Lai Autonomous District Council Budget Session 2018 chu vawiin date 4.4.2018 khan tihtawp ani. Vawiin Budget Session LADC Chairman Pu V. Zirsanga kaihhruai ah hian Council veng Bialtu MDC Pu Manghmunga Chinzah, Lawngtlai Chandmary Bialtu MDC Pu C. Lalsawmzuala leh Chawngte 'P' Bialtu MDC Pu Andrew Laltlanzara te starred question pakhat theuh zawhna leh chhanna hun hman ani. Hemi hnu hian House Leader Pu T. Zakunga, Chief Executive Member chuan House-a discuss tawh, Kum 2018-2019 atana LADC Budget awmdan tlangpui wind-up in Budget chu House Member te pawmpui turin a sawm a. Chairman Pu V. Zirsanga chuan House Member te chu show-of-hands a Budget an pawm leh pawmloh phar tirin, Member tamzawk ten ban pharin Budget hi an pass ta ani. Kum 2018-2019 atana LADC Budget hi Cheng Nuai 14,794.70 ani. Chairman Pu V. Zirsanga chuan thu sawiin Session neih chhunga House chhunga member te conduct chu a tha in lawmawm ati a, Budget study kawngah pawh hma an sawn chho zel ani ati a, tluang taka Session zawhfel ani thei chu lawmawm a tiin chawhnu dar 12:30 PM khan Lai Autonomous District Council Budget Session chu tiamchin awm lovin a titawp ta ani. Collins Ngurnunchhunga AI&PRO - LADC